is Íslenska en English

Lokaverkefni (Meistara)

Háskóli Íslands > Hugvísindasvið > Meistaraprófsritgerðir - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12794

Titill: 
  • Titill er á þýsku Einfluss eines Berlinkurses auf das Deutschlandbild isländischer Gymnasiasten und auf ihre Einstellung zur deutschen Sprache
Námsstig: 
  • Meistara
Útdráttur: 
  • Í þessari rannsókn var skoðað hvaða áhrif valáfangi í þýsku um Berlín og ferð til borgarinnar höfðu á ímynd þátttakenda af Þýskalandi og Þjóðverjum, á afstöðu þeirra til þýsku og áhuga þeirra á að læra tungumálið. Einnig var kannað hvers vegna viðmælendur völdu áfangann og af hverju ætti að bjóða upp á slíkan áfanga að þeirra mati. Um var að ræða eigindlega rannsókn þar sem tekin voru viðtöl við sjö nemendur Kvennaskólans í Reykjavík sem valið höfðu Berlínaráfangann.
    Rannsóknin leiddi í ljós jákvæð áhrif áfangans á mynd þátttakenda af Þýskalandi og Þjóðverjum. Neikvæðar staðalímyndir um Þjóðverja fengust ekki staðfestar og engar nýjar staðalímyndir urðu til á meðan á dvölinni í Berlín stóð. Þátttakendur lýstu allir yfir miklum áhuga á borginni og sumir nefndu að eftir ferðina væri Þýskaland orðið spennandi viðkomustaður sem það hafði ekki verið áður.
    Notkun þýsku við raunverulegar aðstæður leiddi til þess að áhugi allra þátttakenda á þýsku jókst nema eins nemenda sem sagði að áhugi hans væri jafnmikill eftir áfangann og hann hefði verið áður. Meirihluti viðmælenda sagðist vel geta hugsað sér að læra og nota meiri þýsku í framtíðinni og jafnvel að stunda vinnu eða háskólanám í Þýskalandi.
    Helstu ástæður sem viðmælendur nefndu fyrir vali sínu á áfanganum var sú ósk að kynnast Berlín og að nota þýsku í raunumhverfi. Þetta eru einmitt aðalástæður þess að bjóða eigi upp á áfanga eins og Berlínaráfangann að mati þátttakenda, því að með því að gefa nemendum tækifæri til að upplifa Þýskaland og þýsku í raunverulegum aðstæðum megi auka áhuga þeirra á landi og tungumáli.

Samþykkt: 
  • 4.9.2012
URI: 
  • http://hdl.handle.net/1946/12794


Skrár
Skráarnafn Stærð AðgangurLýsingSkráartegund 
lokaritgerd-asta-skemman.pdf624.4 kBOpinnHeildartextiPDFSkoða/Opna