Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12821
Þetta er lokaverkefni til B.Ed.-gráðu úr grunnskólakennarafræði frá Háskóla Íslands. Markmið þess er að bæta nám og kennslu nemenda og hjálpa þeim að skilja raunveruleika sinn betur. Lokaverkefnið fjallar um möguleika forritsins Google Earth í kennslu og skiptist í verkefnasafn og greinargerð. Verkefnasafnið inniheldur sautján verkefni sem byggja á kenningum John Dewey og miða að því að nemandi öðlist næga hæfni til að vinna sjálfstæðar rannsóknir og verkefni í kjölfarið. Dewey lagði áherslu á að nám yrði aðeins til með því að framkvæma, að nám yrði að tengjast raunveruleika nemenda og til að nám næði tilætluðum árangri yrði nemandi að vera virkur þátttakandi í þekkingarleit sinni. Google Earth er gagnvirkt tölvuforrit sem inniheldur hnattlíkan í þrívídd. Það er ókeypis svo það er heppilegt til notkunar í skólum. Forritið gefur nemendum færi á að kanna heiminn á eigin forsendum. Hvert verkefni inniheldur eitt eða fleiri hæfniviðmið sem snúast um hvað nemandi á að geta gert eftir að hafa unnið að lausn verkefnis. Verkefnin byggja á samþættingu margra námsgreina en þó helst landafræði og upplýsingatækni.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Greinargerð.pdf | 401.33 kB | Opinn | Greinargerð | Skoða/Opna | |
Blómstafir grunda.pdf | 878.35 kB | Opinn | Verkefnasafn | Skoða/Opna |