ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Hugvísindasvið>B.A. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12970

Titill

Milljónafélagið 1907-1914. Saga verslunar- og útgerðarfélags Péturs J. Thorsteinssonar og Thors Jensen

Útgáfa
September 2012
Útdráttur

Viðfangsefni þessarar ritgerðar er verslunar- og útgerðarfélagið h/f P. J. Thorsteinsson & Co., sem gekk undir nafninu Milljónafélagið. Var þetta félag starfrækt frá mars 1907 til janúar 1914. Félagið var eitt af stærstu útgerðarfélögunum á Íslandi á þessum tíma og lagðist strax út í miklar framkvæmdir við uppbyggingu starfsemi sinnar. Félagið átti margar eignir og rak verslanir og útgerð á mörgum stöðum á landinu.
Ritgerðin hefst á umfjöllun um þá Pétur J. Thorsteinsson og Thor Jensen, allt frá bernsku þeirra og fram að því að þeir urðu að helstu viðskiptamönnum hins íslenska atvinnulífs. Þeir komu sér saman um að stofna eitt stærsta verslunarfélag á Íslandi í samstarfi við viðskiptafélaga í Danmörku. Skoðað verður hvernig viðskipti Milljónafélagið stundaði og hvar á landinu þau viðskipti fóru fram. Verður Viðey sérstaklega tekin fyrir þar sem að á eyjunni fóru fram þeirra viðamestu framkvæmdir og útgerð. Skip félagsins höfðu mikið að segja um árangur þess og verður ítarlega fjallað um þau. Að lokum verður rýnt í ástæðurnar á bak við gjaldþrot félagsins og örlög Péturs og Thors.
Þessi umfjöllun sýnir hvernig Pétur og Thor urðu hluti af þessu stóra félagi, félagi sem á endanum reyndist þeim of stórt. Félagið hafði fimm stjórnendur og voru stórar ákvarðanir teknar frá skrifstofunni í Kaupmannahöfn og hafði það ferli slæmar afleiðingar. Fjölmargir þættir ollu því að félagið varð ekki langlíft og verður hérna farið yfir þá þætti sem voru afdrifaríkastir.

Birting
12.9.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
israel_daniel_hanssen.pdf389KBOpinn Heildartexti PDF Skoða/Opna