Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12982
Meginumfjöllunarefni þessarar ritgerðar er að kanna réttmæti þess að mögulegt sé að velja hvaða fóstur í móðurkviði fá að fæðast og hver ekki og á hverju þetta val byggist. Það sem vakti áhuga minn á þessu umfjöllunarefni var að þegar það kemur að fósturskimunum og fóstureyðingum í kjölfar þeirra var sú staðreynd að enginn greinarmunur virðist vera gerður á frávikum með tilliti til þess hvort þau eru lífvænleg eða ólífvænleg. Samkvæmt læknisfræðilegu sjónarhorni er skerðing af hverskonar tagi frávik frá hinu heilbrigða en fatlað fólk og aðstandendur þeirra hafa lengi vel andmælt þeirri sýn. Á það ekki síst rætur sínar að rekja til baráttu fatlaðs fólks sem leiddi til aukinnar áherslu á félagslegan skilning á fötlun þar sem litið er svo á að það séu ekki síður umhverfis- og félagslegir þættir sem skapa fötlun einstaklingsins. Mikilvægt er að þetta sjónarmið sem byggir fyrst og fremst á reynslu þeirra sem hafa upplifað áhrif skerðingar og áhrif hennar á líf einstaklinga og aðstandanda komi fram þegar fósturrannsóknir eru kynntar fyrir konum sem ganga með börn.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Herdís Ingibjörg Svansdóttir.pdf | 500.22 kB | Opinn | Heildartexti | Skoða/Opna |