ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Menntavísindasvið >B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12990

Titill

Börn alkóhólista og seigla þeirra á fullorðinsárum : hverjir eru verndandi þættir í umhverfi þeirra?

Útgáfa
Apríl 2012
Útdráttur

Gerð er grein fyrir fíknarhugtakinu og fimm þáttum þess en þaðan leiðir umræðan að alkóhólisma og þeim einkennum sem uppfylla verður til að teljast til alkóhólista samkvæmt DSM–IV. Börn alkóhólista eru í áhættuhópi vegna erfða og umhverfis, hér er ekki einungis átt við drykkju því börn alkóhólista geta þróað með sér sálræn vandkvæði sem og samskiptaörðugleika. Ritgerðin miðar að því að fræðast um upplifun uppkominna barna sem ekki hafa þróað með sér alkóhólisma og er gagnaöflun byggð á hálfstöðluðum einstaklingsviðtölum. Markmiðið er að fá sýn á þá þætti í umhverfinu sem einstaklingarnir telja að hafa komið sér til góðs en þættir í umhverfi barna sem bæla niður áhrif slæmra aðstæðna hafa verið nefndir verndandi þættir. Rannsóknir hafa sýnt að uppeldisaðferðir, tilfinningatengsl og góð samskipti við fjölskyldu og vini geti minnkað neikvæð áhrif áhættuþátta. Í ljós kom að viðmælendur töldu systkini, vini og foreldri sem ekki þjáðist af alkóhólista hafa styrkt þá í gegnum tilfinningalegan stuðning og hlýju.
Niðurstöður voru að hluta til í samræmi við aðrar rannsóknir um mikilvægi systkina, foreldra og vina í tengslum við tilfinningalegan stuðning og nánd sem virðast vera ríkjandi í rannsóknum á seiglu. Rannsókn Werner og Johnson (2004) kom inn á mikilvægi systkina, vina og hins foreldrisins. Coyle (2009) tók saman verndandi þætti og taldi hann tilfinningalegan stuðning og samskipti einna mikilvægustu þætti seiglu en þeir þættir virtust vera undirliggjandi í svörum viðmælenda. Samkvæmt langtímarannsókn Werner og Smith voru systkini mikilvægur verndandi þáttur og samskipti og nánd á milli systkina hélst fram á fullorðinsár en þegar viðmælendur voru spurðir út í systkini sín kom í ljós að þau héldu góðum tengslum og vináttu allt frá æsku til fullorðinsára.

Athugasemdir

Verkefnið miðar að því að kanna verndandi þætti í umhverfi einstaklinga sem hafa alist upp við alkóhólisma foreldris. Það byggir á 4 hálfstöðluðum einstaklingsviðtölum við uppkomin börn alkóhólista. Efnistökum ritgerðarinnar má skipta upp í þrjá hluta en í fyrsta hlutanum er sett fram fræðileg umfjöllun sem miðar að því að fræðast um fíknarhugtakið og alkóhólisma en í lok fræðilega kaflans er umræða um seiglu þar sem gerð er grein fyrir rannsóknum er snúa að verndandi þáttum seigra einstaklinga. Annar hluti ritgerðarinnar snýr að aðferðafræði tengdri rannsókninni sjálfri og niðurstöðum viðtala en í þriðja og jafnframt síðasta hluta ritgerðarinnar eru niðurstöður ræddar og tengdar við aðrar rannsóknir á svipuðu umfjöllunarefni. Í lokin eru vangaveltur höfundar um niðurstöður ræddar og settar í samhengi ásamt umræðu um þá þætti sem betur hefðu mátt fara.

Birting
12.9.2012


Skrár
NafnRaðanlegtStærðRaðanlegtAðgangurRaðanlegtLýsingHækkandiSkráartegund
Börn alkóhólista o... .pdf564KBOpinn Heildartexti PDF Skoða/Opna
kápa.pdf32,2KBOpinn Forsíða PDF Skoða/Opna