ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13025

Titill

„Þú veist, maður getur allt ef maður vill það.“ Nemendur sem innritast á almenna braut í framhaldsskóla og ljúka stúdentsprófi

Útgáfa
September 2012
Útdráttur

Markmið rannsóknarinnar var að fá innsýn í reynslu nemenda sem hófu nám á almennri braut í framhaldsskóla og luku stúdentsprófi. Sjónum var beint að þeim stuðningi sem nemendur fengu í náminu, hvaða ástæður þeir telja fyrir því að þeir luku stúdentsprófi og reynslu þeirra og viðhorfi til almennu brautarinnar. Rannsóknin var unnin með eigindlegum rannsóknaraðferðum. Tekin voru opin viðtöl við sjö einstaklinga vorið 2011 sem höfðu lokið stúdentsprófi eftir að hafa hafið nám á almennri braut í framhaldsskóla. Helstu niðurstöður voru þær að nemendurnir höfðu allir trú á því að þeir gætu lokið stúdentsprófi og ætluðu ekki að láta neitt stoppa sig. Þeir fengu stuðning og hvatningu við námið frá foreldrum sínum og vinum. Þeir sýndu ákveðna seiglu í gegnum námið þrátt fyrir að hafa fundið fyrir fordómum hjá sjálfum sér og öðrum nemendum gagnvart almennu brautinni. Margir glímdu við námserfiðleika en með góðum stuðningi til dæmis frá umsjónarkennara brautarinnar og námsráðgjafa náðu þeir að ljúka stúdentsprófi. Vonast er til að niðurstöðurnar gefi innsýn í hvað nýtist nemendum vel og hvað má betur fara til að styrkja nemendur sem hefja nám á almennri braut í framhaldsskólum landsins.

Birting
13.9.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Unnur_Símonardóttir.pdf418KBOpinn Heildartexti PDF Skoða/Opna