Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13035
Ritgerð þessi fjallar um afstöðu íslenskra sósíalista til lýðræðis á árunum í kringum og í aðdraganda lýðveldisstofnunarinnar 1944. Út frá lýðræðiskenningum um beint lýðræði og fulltrúalýðræði er orðræða, stefna og aðgerðir íslenskra sósíalista skoðaðar og spurt hvort íslenskum sósíalistum tókst að flétta saman kommúnisma og lýðræði. Litið er til sögulegra þátta eins og lýðræðishefðar íslensku þjóðarinnar og hvaða áhrif hún hafði á starf íslenskra sósíalista. Til athugunar er tekið stjórnmálastarf Kommúnistaflokks íslands og Sósíalistaflokksins, þátttaka flokkanna í þingstarfi og í ríkisstjórn og hvort þátttaka í þingstjórnarfyrirkomulagi samrýmdist hinni marxísku kenningu og lenínísku flokksskipulagi. Þá er fjallað um afstöðu íslenskra sósíalista til þjóðhöfðingjans, þjóðaratkvæðagreiðslna og þjóðfunda í aðdraganda lýðveldisstofnunarinnar.
Helstu niðurstöður eru þær að þrátt fyrir alvarlegar mótsagnir milli lýðræðislegra grunnþátta og kommúnisma, hafi íslenskir sósíalistar á þessum árum að miklu leyti tekið þátt í hinu lýðræðislega ferli af heilindum og í verki hafi þeir átt markvert framlag til lýðræðisþróunar í landinu, t.d. með baráttu sinni fyrir rýmkun kosningaréttar, þjóðkjörnum forseta, og þjóðaratkvæðagreiðslum. Skilyrðislaus hollusta íslenskra sósíalista við alræðisstjórn Sovétríkjanna verður þó til þess að rýra trúverðugleika þeirra sem talsmenn lýðræðis.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Þórarinn Snorri Sigurgeirsson.pdf | 578.6 kB | Opinn | Heildartexti | Skoða/Opna |