is Íslenska en English

Lokaverkefni (Meistara)

Háskólinn á Akureyri > Hug- og félagsvísindasvið > Meistaraprófsritgerðir >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13095

Titill: 
  • "Maður er alltaf svo upptekinn af sínu barni og það er það sem brennur á manni alla daga": upplýsingaflæði milli leikskóla og foreldra - áherslur foreldra
Námsstig: 
  • Meistara
Útdráttur: 
  • Efni þessarar rannsóknar er samstarf heimilis og skóla með áherslu á gagnkvæmt upplýsingaflæði. Leitað var eftir viðhorfi og áherslum foreldra leikskólabarna til gagnkvæms upplýsingaflæðis milli heimilis og skóla. Kannað var hvaða upplýsingar foreldrar vilja fá frá leikskólanum um barnið sitt og hvernig þeir vilja fá þær. Einnig var kannað hvaða upplýsingar foreldrar telja mikilvægt að gefa leikskólanum um barnið og hvernig þeir vilja gefa þær.
    Í fræðilega kaflanum er farið yfir sögulega þróun foreldrasamstarfs sem orðið hefur í lögum, uppeldisáætlunum og aðalnámskrám. Til umræðu í fræðilegri umfjöllun verkefnisins er mikilvægi samstarfs milli heimilis og skóla, þar sem grunnurinn í því samstarfi er gagnkvæmt upplýsingaflæði milli foreldra og kennara. Vitnað er í rannsóknir og fræðimenn því til stuðnings. Gerð er grein fyrir þeim vaxandi áherslum á samstarf heimilis og skóla sem fram koma í lögum og aðalnámskrám og því hve mikilvægu hlutverki gott upplýsingaflæði gegnir í samstarfinu svo heimili og skóli geti unnið saman að sameiginlegu markmiði með velferð barnsins að leiðarljósi.
    Rannsóknaraðferðin er eigindleg og byggir á rýnihópaviðtölum við foreldra leikskólabarna. Helstu niðurstöður eru að foreldrar leggja mikla áherslu á að fá nægar upplýsingar um sitt barn og virðast alltaf tilbúnir til umræðu. Upplýsingar um líðan og heilsu barnanna ásamt félagsfærni er þeim efst í huga. Mesta áherslu leggja þeir á að fá og gefa upplýsingar með persónulegum samskiptum við kennara. Persónulegu samskiptin vilja þeir annarsvegar hafa formleg með foreldrasamtölum, sem þeir vilja gjarna fá að lágmarki tvisvar á ári, og óformleg í fataherbergi skólans á morgnanna þegar börnin koma í leikskólann og síðdegis þegar þau eru sótt. Einnig vilja foreldrar að leikskólakennari deildarinnar sé að störfum á þessum tímum dags. Foreldrarnir vilja að Mentorkerfið sé meira notað og að aðgengi í leikskólanum að skráningum um grunnupplýsingar um barnið sé gott.
    Niðurstöður rannsóknarinnar eru að mörgu leyti samhljóma öðrum rannsóknum þó koma einnig fram nýjar upplýsingar um áherslur foreldra á þessum þáttum.

  • Útdráttur er á ensku

    The main issue addressed in this dissertation is home-school collaboration in preschools, with emphasis on reciprocal flow of information. Parents’ expectations and emphasis in what information they want and how they want this information mediated is specially looked at, as well as what information parents believe important to give to teachers concerning their child.
    Historical issues concerning this topic are reviewed and changes in law and curriculum the last decades are discussed. The importance of good home-school cooperation is stressed where the foundation is active flow of information between parents and teachers. Recent research regarding this topic is introduced as well as theories. Increased emphasis is on collaboration in modern school society and the key factor is information regarding children’s welfare which is preferably a common goal in all aspects.
    The research method is qualitative and is based on interviewing focus groups of preschool parents. Preparation and implementation of this research is reviewed here as well as it´s process, ethical issues and complications addressed.
    The main results are that preschool parents emphasize on getting sufficient information regarding their child and seem ready to collaborate. Information regarding the welfare of their child and development of social skills is of most importance to them. Personal interaction is their preference in receiving and giving information from and to teachers, on daily basis as well as pre-organized parents meetings, which should occur at least two times a year in parent’s opinion. Parents also emphasize the importance of the presence of their child’s teacher when they bring in and pick up their child. Parents want to increase the use of computer programs specially designed to handle records of their child’s development, in which parents can look up and review this information at home at their own convenience.
    The results of this research are in harmony with recent research in this field, and give additionally new angles on parents’ emphasis on the topic.

Athugasemdir: 
  • Verkefnið er lokað til 18.6.2013
Samþykkt: 
  • 18.9.2012
URI: 
  • http://hdl.handle.net/1946/13095


Skrár
Skráarnafn Stærð AðgangurLýsingSkráartegund 
M.Ed. ritgerð.pdf816.88 kBOpinnHeildartextiPDFSkoða/Opna