ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Hug- og félagsvísindasvið>B.A./B.Ed. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1313

Titill

Börn og tilfinningar

Útdráttur

Eftirfarandi verkefni er unnið sem lokaverkefni til B.Ed.-prófs við kennaradeild
Háskólans á Akureyri á vormisseri árið 2004. Tilgangur verkefnisins er að skoða þætti
sem hafa áhrif á tilfinningar og tilfinningaþroska leikskólabarna og í tengslum við
ritgerðarskrifin hannaði ég Tilfinningaspil.
Þörf er á að finna farveg til að ræða um tilfinningar í gegnum leik og störf
barna með það meginmarkmið í huga að börn læri að þekkja sínar tilfinningar og
skilja tilfinningar annarra. Rannsóknir á starfsemi heilans eru stöðugt að færa okkur
nýja vitneskju, sem vekja vonir um að hægt verði að vinna betur með tilfinningar,
þekkja þær og stjórna þeim. Þannig geti einstaklingar haft jákvæð áhrif á líf sitt og
annarra einstaklinga í samfélaginu og þar með allt samfélagið.
Sagt er frá tilfinningum í sögulegu samhengi og hvernig kennismiðir allt frá
tímum Aristótelesar til dagsins í dag hafa litið mismunandi á þátt tilfinninga í
siðferðisþroska mannsins. Ég fjalla um ólík viðhorf og skilning á tilfinningum í
samfélaginu, svo og um nýjustu kenningar um tilfinningagreind, sérstaklega
kenningar þeirra Daniels Golmans og Howards Gardners sem snúa að
tilfinningagreind barna og mikilvægi þess að efla tilfinningaþroska, samhygð og
almennt tilfinningalæsi.
Ég fjalla um þróun í rannsóknum á heilanum og hvað þær hafa fært okkur sem
varpað hefur nýju ljósi á möguleika í þroskun á starfsemi heilans og hæfni hans á
fullorðinsárum til að takast á við það sem lífið býður hverjum einstakling. Hvernig
reynsla barnsins hefur afgerandi áhrif á mótun sjálfsmyndar. Hvaða þættir það eru
sem móta sjálfsmynd barna, leikskólakennarar hafa þar veigamiklu hlutverki að
gegna. Ég skoða hvernig Aðalnámskrá leikskóla er stefnumótandi í námskrám
leikskóla.
Í tengslum við ritgerðina hannaði ég Tilfinningaspil, sem er leið til að skapa
umræðu um tilfinningar meðal barnanna í gegnum leikinn. Í forprófun á
Tilfinningaspilinu voru börnin áhugasöm og glöð og sáu fleiri notkunarmöguleika en
upphaflega var gert ráð fyrir í spilinu. Leikskólakennarar töldu að yngstu börnin
þriggja til fjögra ára, sýndu myndunum áhuga, vildu skoða og tala um þær en höfðu
minna úthald í að spila. Í leikskólanum er mikilvægur grunnur lagður sem felst í
umhyggjusömu uppeldi í siðgæðis- og tilfinningaþroska - í æskunni er framtíð
þjóðarinnar.

Athugasemdir

Verkefnið er opið nemendum og starfsfólki Háskólans á Akureyri

Birting
1.1.2004


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Kristín S. Halldórsdóttir_e.pdf49,4KBOpinn Börn og tilf - efnisyfirlit PDF Skoða/Opna
Kristín S. Halldórsdóttir_h.pdf113KBOpinn Börn og tilf - heimildaskrá PDF Skoða/Opna
Kristín S. Halldórsdóttir_heild.pdf281KBTakmarkaður Börn og tilf - heild PDF  
Kristín S. Halldórsdóttir_u.pdf109KBOpinn Börn og tilf - útdráttur PDF Skoða/Opna