ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13137

Titill

Tengsl markaðsráða við víddir vörumerkjavirðis þjónustufyrirtækja á neytendamarkaði

Útgáfa
September 2012
Útdráttur

Fáar rannsóknir hafa verið gerðar með þann tilgang að kanna hver tengsl mismunandi markaðsráða eru við vitund, ímynd og vörumerkjavirði. Enn færri rannsóknir hafa kannað þessa þætti hjá þjónustufyrirtækjum á neytendamarkaði og er því ákveðið tómarúm í fræðunum. Markmið rannsóknarinnar var að kanna tengsl mismunandi markaðsráða við vitund og ímynd þjónustufyrirtækja á neytendamarkaði og að kanna tengsl vitundar og ímyndar við vörumerkjavirði. Kanna átti einnig hvort munur væri á þessum tengslum eftir ólíkum þjónustuflokkum, sem einkennast af hversu mikillar þátttöku er krafist af viðskiptavinum í þjónustuferlinu. Rannsóknin er sú fyrsta sinnar tegundar, samkvæmt bestu vitund höfundar. Rannsóknin byggist á megindlegri rannsóknaraðferð, í formi spurningakönnunar. Þeir markaðsráðar sem notast var við eru verð, kynningarstarf, verðtilboð, þjónustuferli, umhverfi og starfsfólk. Helstu niðurstöður sýna fram á að markaðsráðarnir starfsfólk og umhverfi hafa sterkustu tengslin við vitund og ímynd. Niðurstöður sýna jafnframt fram á að ímynd hefur helmingi sterkari tengsl við vörumerkjavirði, en vitund. Niðurstöður gefa til kynna að munur sé á tengslum markaðsráða við vitund og ímynd, sem og á tengslum vitundar og ímyndar við vörumerkjavirði eftir ólíkum þjónustuflokkum.

Birting
20.9.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Katrín Þ. Jóhannsdóttir - MS lokaritgerð.pdf550KBOpinn Heildartexti PDF Skoða/Opna