ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13154

Titill

Réttindaöflun og skerðingarsaga. Hvert á ég að beina lífeyrissparnaði mínum

Útgáfa
Október 2012
Útdráttur

Í þessari ritgerð er fjallað um íslenskt lífeyriskerfi og borin saman réttindi sjóðfélaga og árangur íslenskra lífeyrissjóða út frá réttindaöflun sjóðfélaga í stað samanburðar út frá ávöxtun eins og venjan er þegar lífeyrissjóðir birta tölur um árangur sinn. Leitast er við að svara þeirri spurningu hvert launþegar ættu að beina lífeyrisiðgjöldum sínum og í því samhengi eru réttindatöflur lífeyrissjóða bornar saman og út frá því ákvarðað hvert sjóðfélagar ættu að beina iðgjöldum sínum.
Fjallað er um uppbyggingu íslenska lífeyriskerfisins og farið yfir þrjár meginstoðir þess, þ.e. almannatryggingar, lögbundna lífeyrissjóði og frjálsan einstaklingsbundinn viðbótarlífeyrissparnað.
Farið er yfir helstu réttindi og skyldur lífeyrissjóða og fjallað um hvernig sjóðfélagar ávinna sér lífeyrisréttindi og hvaða þættir ákvarði réttindatöflur lífeyrissjóða. Fjallað er almennt um tryggingafræðilegar úttektir ásamt því að sýnd er þróun tryggingafræðilegrar stöðu lífeyrissjóða án ábyrgðar þriðja aðila milli áranna 2010-2011. Fjallað er um uppbyggingu íslenskra lífeyrissjóða og hvernig gerður er greinamunur á lífeyrissjóðum eftir því hvort launagreiðandi eða þriðji aðili ber ábyrgð á lífeyri eða hvort lífeyrisþeginn ber einn þá ábyrgð. Skýrt er eðli almennra samtryggingarsjóða og blandaðra lífeyrissjóða og farið yfir kosti þeirra og galla. Einnig er fjallað almennt um viðbótarlífeyrissparnað og farið yfir sögu hans.
Eftir þessa fræðilegu yfirferð er fjallað almennt um 14 lífeyrissjóði og réttindatöflur þeirra bornar saman. Er reynt að svara því hvort sjóðfélagar geti haft um það að segja hver lífeyrisréttindi þeirra verða þegar kemur að töku ellilífeyris. Einnig eru rannsakaðar réttindabreytingar lífeyrissjóða á tímabilinu 2000-2010 og skoðað hvaða lífeyrissjóðir hafi aukið eða skert mest réttindi sjóðfélaga sinna á tímabilinu.
Að lokum eru lífeyrissjóðir bornir saman eftir réttindatöflum að teknu tilliti til réttindabreytinga, sögulegrar ávöxtunar séreignarhluta skylduiðgjalds blandaðra lífeyrissjóða og breytinga á vísitölu neysluverðs á tímabilinu 2000-2010.

Birting
20.9.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Grétar Már Sveinsson.pdf1,42MBOpinn Heildartexti PDF Skoða/Opna