is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13157

Titill: 
  • Umframávöxtun á norskum hlutabréfamarkaði
Námsstig: 
  • Meistara
Leiðbeinandi: 
Útdráttur: 
  • Hér er gerð grein fyrir rannsókn á sambandi fyrirfram valinna áhættuþátta og ávöxtunar norskra hlutabréfa. Þeir áhættuþættir sem um ræðir eru peningamagn í umferð, vísitala iðnaðar, áhættuálag á vexti, tímaróf vaxta, vísitala neysluverðs, markaðsvísitala Noregs MSCI, gengi valinna hrávara og gengi norsku krónunnar gagnvart Bandaríkjadal og evru. Rannsóknin nær yfir tímabilið frá mars 2001 til janúar 2012. Rannsóknin byggist á því að flokka 25 veltuhæstu fyrirtæki norsku kauphallarinnar niður í sjö atvinnugreinar. Þá var vegin vísitala atvinnugreinanna reiknuð og metin marktæk næmni valinna áhættuþátta gagnvart arðsemi hverrar atvinnugreinar.
    Aðferðafræði rannsóknarinnar byggist á Högnunarkenningunni (e. Arbitrage Pricing Theory) sem er nátengd lögmálinu um eitt verð hluta og skilvirkni hlutabréfamarkaða. Þá leyfir kenningin fleiri breytur til útskýringar á arðsemi verðbréfasafna en CAPM (e. Capital Asset Pricing Model) gerir.
    Helstu niðurstöður voru þær að markaðsvísitala norsku kauphallarinnar mældist marktækust valinna skýribreyta og einnig mældist jákvæð breyting á tímarófi vaxta marktækt við 5% marktektarkröfu í nær öllum atvinnugreinum. Að auki reyndust sumir áhættuþættir marktækir í einstökum atvinnugreinum. Til að mynda mældist heimsmarkaðsverð á hráolíu marktækt við 1% marktektarkröfu í olíu- og gasiðnaði.

Samþykkt: 
  • 20.9.2012
URI: 
  • http://hdl.handle.net/1946/13157


Skrár
Skráarnafn Stærð AðgangurLýsingSkráartegund 
MS-Umframávöxtun-Lokaskjal.pdf1.92 MBOpinnHeildartextiPDFSkoða/Opna