Þetta þarf að vera gaman! : hvernig hægt er að sporna við brottfalli unglinga úr íþróttum

Abstract

Lokaverkefni þetta fjallar um það hvernig hægt sé að sporna við brottfalli unglinga úr íþróttum. Skoðaðir eru þættir eins og hreyfing og hreyfingarleysi, íþróttahreyfingin á Íslandi og mikilvægi íþrótta á unglingsárunum. Einnig er farið inn á þætti sem hvetja til íþróttaþátttöku, neikvæðar hliðar þátttökunnar, hindranir og brottfall. Ýmislegt er vitað um brottfall og íþróttaiðkun. Til að mynda eykst brottfall með hækkandi aldri og rannsóknir sýna að íþróttaþátttaka er mest um 11-13 ára aldurinn en fer minnkandi eftir það. Einnig sýna rannsóknir að fjölbreytni er mikilvæg og því til stuðnings hafa fræðimenn komist að því að iðkendur sem stunda bæði einstaklings- og hópíþróttir eru líklegri til að vera ennþá að æfa við 14 ára aldur en þeir sem iðka aðeins einstaklingsíþróttir. Það er hægt að fara margar leiðir að því að sporna við brottfalli en til þess að iðkendur haldist í íþróttunum þarf fyrst og fremst að vera gaman. Því ánægðir iðkendur færa íþróttahreyfingunni fleiri iðkendur, sem skilar sér í betra starfi, minna brottfalli og meiri ánægju.