Samanburður á viðhorfum íslenskra og tékkneskra neytenda til gæðavottunarmerkinga

Abstract

Í greininni er fjallað um matvæli merkt með gæðavottun (quality labels). Markmiðið var að koma auga á og bera saman viðhorf neytenda til þeirra gæðavottana sem notaðar eru á íslenskum og tékkneskum matvörumarkaði. Í fyrri hluta greinarinnar eru gæðavottanir skilgreindar og einkenni þeirra útlistuð en í seinni hlutanum er greint frá niðurstöðum rannsóknar er tók mið af ofangreindum markmiðum. Gögnum var safnað með hentugleikaúrtaki og fengust 267 svör; 117 svör voru frá íslenskum þátttakendum en 150 frá tékkneskum þátttakendum. Niðurstöður sýna að marktækur munur er til staðar á milli viðhorfa neytenda í löndunum tveimur til eftirfarandi þátta: Upprunalands matvara, vitneskju um merkingar og áhuga á upplýsingum varðandi gæðavottun matvæla. Ennfremur var tölfræðilega marktækur munur á milli kynja er kom að matarinnkaupum í Tékklandi sem og áhuga kynjanna á gæðavottun.