ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Menntavísindasvið >B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13417

Titill

Tómstundir barna og ungmenna með fötlun : hvað hindrar?

Útgáfa
Október 2012
Útdráttur

Í ritgerðinni er leitast eftir því að svara spurningunni, tómstundir barna og ungmenna með fötlun – hvað hindrar? Í fyrsta kaflanum, Fötlun, er gert grein fyrir læknisfræðilega og félagslega sjónarhorninu á fötlun. Einnig er fjallað um fatlaða í nútímasamfélagi ásamt þróun í málefnum fatlaðra, en viðhorf almennings og stjórnvalda til minnihlutahópa í samfélögum eru oft þannig, að tíma tekur að fá breytingar í gegn. Rætt er um mikilvægi þess að vera þátttakandi í samfélaginu. Rýnt er í helstu ávinninga skipulagðra tómstunda ásamt hvaða þýðingu skipulagðrar tómstundir hafa í nútímasamfélagi. Greint er frá hinum ýmsum rannsóknum sem hafa leitt í ljós að börn og ungmenni með fötlun taka síður þátt í skipulögðum tómstundum en ófötluð. Jafnframt hefur komið fram að þau séu líklegri en önnur að vera ein eða með foreldrum sínum í frítímanum. Ýmislegt bendir til þess að börn og ungmenni með fötlun eigi færri möguleika til tómstundaiðkunar en ófötluð börn og ungmenni. Einnig hafa rannsóknir sýnt að foreldrar og fullorðnir sjá að mestu leyti um að skipuleggja líf þeirra. En talið er að börn og ungmenni með fötlun fá sjaldan tækifæri til þess að ákveða sjálf hvað þau vilja. Komið er inná mikilvægi þess að veita börnum og ungmennum með fötlun tækifæri til þess að æfa sig að ákveða sjálf hvað þau vilja hafa fyrir stafni í frítímanum. Ekki á að ákveða fyrirfram hvað ekki sé unnt að gera í frítíma barna og ungmenna með fötlun. Það þarf að hugsa hlutina uppá nýtt og líta frekar til tækifæranna en ekki hindranirnar. Sú staðreynd að ákveðinn hópur í samfélaginu áliti sig utanveltu er ekki ásættanlegt í nútímasamfélagi. Jafnframt ber að hafa í huga að úrræði sem fela í sér aðgreiningu eru á skjön við mannréttindasáttmála.

Birting
5.11.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Hindranir í tómstu... .pdf337KBOpinn Heildartexti PDF Skoða/Opna