is Íslenska en English

Lokaverkefni (Bakkalár)

Háskólinn á Bifröst > Lagadeild > Lokaverkefni í lagadeild (BS) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13470

Titill: 
  • Standast lög nr. 31/2010 fyrir dómstólum og hver eru áhrif þeirra
Námsstig: 
  • Bakkalár
Útdráttur: 
  • Í þessari ritgerð er leitast við að gera skil á því hvort og þá að hvaða leiti lög nr. 31/2010 halda fyrir dómstólum og hvort tilefni sé til að lögin gildi varanlega en ekki einungis tímabundið. Til þess að gera efninu sem best skil var farið yfir almenn atriði gjaldþrotaréttar og helstu atriði er varða riftunarreglur gjaldþrotalaganna. Skoðaður var einnig aðdragandi laga nr. 31/2010 og löggjöfin sjálf. Reynt var að varpa ljósi á það hvers vegna lögin giltu einungis í takmarkaðan tíma og hverjir væru hugsanlegir annmarkar löggjafarinnar. Fjallað var sérstaklega um þær reglur sem gilda um lagaskil og afturvirkni laga. Sérstök áhersla var lögð á umfjöllun um dóm Hæstaréttar 614/2011 þar sem það er eina mál sem varðar löggjöfina og komin er niðurstaða í fyrir Hæstarétti Íslands. Dómurinn hefur fordæmisgildi varðandi löggjöfina hvað varðar lengdan málshöfðunarfrest, lagaskil og afturvirkni laganna. Komist var að þeirri niðurstöðu að lögin héldu gildi sínu þegar frestur til málshöfðunar í þrotabúi var ekki liðinn þegar lögin voru sett en að takmarkaðar líkur væru á því að lögin héldu þegar tímafrestur til málshöfðunar var runninn út samkvæmt fyrri löggjöf þegar lög nr. 31/2010 tóku gildi. Sömu niðurstöðu var komist að hvað varðar lengd tímamörk til riftunar, þ.e. að í þeim tilfellum sem tímamörk til riftunar voru liðin þegar lögin voru sett muni lögin ekki halda. Þrátt fyrir að annmarkar hafi verið á löggjöfinni að mati höfundar verður að telja að í löggjöfinni hafi falist réttarbót, bæði hvað varðar lengdan málshöfðunarfrest sem og lengdan tímafrest á riftun aftur í tímann. Telur höfundur því hyggilegt að þær breytingar sem lög nr. 31/2010 mæltu fyrir um yrðu varanlegar.

Athugasemdir: 
  • Ritgerðin er lokuð til 2017
Samþykkt: 
  • 27.11.2012
URI: 
  • http://hdl.handle.net/1946/13470


Skrár
Skráarnafn Stærð AðgangurLýsingSkráartegund 
lokaskjal.pdf592.82 kBOpinnHeildartextiPDFSkoða/Opna