is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13529

Titill: 
  • Afturvirkni laga - ábyrgðarskuldbinding þriðja manns. 3. mgr. 9. gr. laga um ábyrgðarmenn nr. 32/2009
Námsstig: 
  • Bakkalár
Útdráttur: 
  • Á Íslandi er bann við afturvirkni laga viðurkennt sem meginregla. Markmið þessarar ritgerðar er að fjalla um afturvirkni laga með hliðsjón af 3. mgr. 9. gr. laga um ábyrgðarmenn nr. 32/2009. Atriði varðandi bannið verða dregin fram, s.s. hvort bannið sé algert eða hvort undantekningar frá banninu séu heimilaðar í einhverjum tilvikum. Gildi áðurnefndrar greinar verður sérstaklega tekið til skoðunar.
    Á eftir inngangi ritgerðarinnar, þ.e. í öðrum kafla, er fjallað almennt um bannið við afturvirkni laga og m.a. horft til þess hvaða reglur gilda hjá öðrum norðurlandaþjóðum. Í þriðja kafla er fjallað um bannið við afturvirkni laga með hliðsjón af samningarétti en ákvæði 3. mgr. 9. gr. ábl. er á því réttarsviði. Fjórði kafli fjallar um ábyrgðamannalögin, tilurð laganna er rakin og sjónum beint að 3. mgr. 9. gr. laganna.
    Þar sem 3. mgr. 9. gr. fjallar að miklu leyti um stöðu ábyrgðarmanna með tilliti til sérstaks úrræðis, greiðsluaðlögunar, er mikilvægt að gera grein fyrir því hugtaki og er það gert í fimmta kafla ásamt nauðasamningshugtakinu. Sérstakur kafli er svo tileinkaður 3. mrg. 9. gr. ábl. þar sem innra samhengi ákvæðisins er lýst. Sjónarmið höfundar um gildi ákvæðisins eru sett fram með tilliti til meginreglunnar um bannið við afturvirkni laga. Sérstök hliðsjón verður höfð af dómaframkvæmd Hæstaréttar Íslands.
    Í lok ritgerðarinnar eru settar fram niðurstöður um gildi 3. mrg. 9. gr. ábl. og því velt upp hvort ástæða sé til þess að gera einhverja breytingu á ábyrgðarmannalögunum og aðrar úrbætur.

Samþykkt: 
  • 17.12.2012
URI: 
  • http://hdl.handle.net/1946/13529


Skrár
Skráarnafn Stærð AðgangurLýsingSkráartegund 
ba_ritgerd_loka.pdf309.67 kBOpinnHeildartextiPDFSkoða/Opna