is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13532

Titill: 
  • Skaðabætur innan framvirkra samninga
Námsstig: 
  • Bakkalár
Útdráttur: 
  • Ein af fjölmörgum tegundum samninga eru framvirkir samningar og lúta þeir reglum fjármunaréttarins. Það er viðurkennd meginregla samningaréttar að samninga skuli halda og ein af afleiðingum vanefnda samninga er að sá sem vanefnir skyldur samningsins getur orðið skaðabótaskyldur. Í þessari ritgerð verður því skoðað hvernig skaðabætur geta komið til innan framvirkra samninga og hvernig fjárhæð skaðabóta er metin í slíkum tilvikum.
    Fjallað verður almennt um framvirka samninga, hvernig þeir virka, tegundir þeirra og verða tekin dæmi til útskýringar. Ætti sú umfjöllun að útskýra fyrir lesanda eðli framvirkra samninga og setja síðari umfjöllun í skiljanlegt samhengi.
    Komið verður stuttlega inn á muninn á skaðabótum utan og innan samninga, tengsl þeirra innbyrðis og samspil þeirra réttarreglna sem eiga við um bæði réttarsviðin. Verður umfjöllunin frekar almenns eðlis og í styttra lagi.
    Í kaflanum skaðabætur innan framvirkra samninga verður umfjöllun um skaðabætur innan samninga þrengd að framvirkum samningum. Þar sem hugtakið framvirkur samningur er ansi yfirgripsmikið, eins og verður útskýrt í 2. kafla, verður ekki fjallað um samninga og álitaefni sem tengjast fasteignakaupum eða neytendatengdum kaupum því það eru nokkuð afmörkuð réttarsvið með sértæka löggjöf og mikla dómaframkvæmd. Enn fremur verður leitast við til að fjalla um fjármálatengda samninga sem falla m.a. að skilgreiningu 2. tl. 1. mgr. 2. gr. laga um verðbréfaviðskipti nr. 108/2007, framvirka gjaldmiðla- og vaxtaskiptasamninga og þá samninga sem lög nr. 50/2000 um lausafjárkaup gætu náð yfir. Fjallað verður um efnda- og vangildisbætur, í hvaða tilvikum slíkar bætur koma til greina og hverjar séu helstu reglur sem snúa að þeim. Komið verður inn á efndir in natura og sjónarmið um ómöguleika vegna tímaeðlis framvirkra samninga. Í þeirri umfjöllun verður fjallað um hvaða vanefndir séu líklegar til að koma til greina þegar um framvirka samninga er að ræða og í hvaða tilvikum þær vanefndir séu skaðabótaskyldar og hvenær ekki. Að lokum verður fjallað um fjárhæðir skaðabóta, við hvað beri að miða til að finna út þær fjárhæðir og hvaða sjónarmið séu líkleg til að vera álitaefni þegar um framvirka samninga er að ræða í því samhengi.

Samþykkt: 
  • 17.12.2012
URI: 
  • http://hdl.handle.net/1946/13532


Skrár
Skráarnafn Stærð AðgangurLýsingSkráartegund 
BA-ritgerd.pdf329.24 kBOpinnHeildartextiPDFSkoða/Opna

Athugsemd: Vinsamlegast hafið samband við höfund til að fá ritgerðina á rafrænu formi.