is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13536

Titill: 
  • Friðhelgi einkalífs barns í frjósemisheilbrigðismálum
Námsstig: 
  • Bakkalár
Leiðbeinandi: 
Útdráttur: 
  • Mikil umræða skapaðist í fjölmiðlum síðastliðið vor um frumvarp velferðarráðherra þess efnis að hjúkrunarfræðingum (og ljósmæðrum) yrði gert heimilt að ávísa hormónatengdum
    getnaðarvörnum, m.a. í þeim tilgangi að auka aðgengi unglingsstúlkna að getnaðarvörnum. Þar sem yfir fjórðungur íslenskra barna byrjar að stunda kynlíf fyrir 16 ára aldur er
    athugunarefni hvernig frjósemisheilbrigðismálum þeirra er hagað.
    Til að afmarka efni ritgerðarinnar verður hugtakið barn skilgreint í öðrum kafla. Í framhaldinu er í þriðja kafla umfjöllun um samning Sameinuðu þjóðanna um réttindi barnsins,
    hér eftir nefndur Barnasáttmálinn, og þau grundvallarréttindi sem hann veitir börnum. Réttur barns til friðhelgi einkalífs er skoðaður í fjórða kafla og sérstaklega hvort barn eigi þennan rétt innan fjölskyldunnar, gagnvart foreldrum. Þar sem mannréttindi barns takmarkast af forsjá foreldra (eða annarra forsjáraðila), og þar með friðhelgi einkalífs barns, er í fimmta kafla umfjöllun um þau réttindi og þær skyldur sem felast í forsjá foreldra. Ekki getur verið um friðhelgi einkalífs að ræða án sjálfsákvörðunarréttar og er í sjötta kafla gerð grein fyrir þeim rétti.
    Í sjöunda kafla er sérstaklega fjallað um friðhelgi einkalífs barns í málum er varða heilsu þess og heilbrigði, almenn umfjöllun í kafla 7.1 og vikið að trúnaðarskyldu heilbrigðisstarfsfólks í kafla 7.2. Í kafla 7.3 og undirköflum hans er fjallað um friðhelgi einkalífs barns í frjósemisheilbrigðismálum. Ekki er með tæmandi hætti fjallað um inntak hugtaksins, heldur einungis þá þætti sem telja má að helst reyni á með tilliti til friðhelgi einkalífs barns.
    Í lokin verður framkvæmdin á Bretlandi kynnt. Þar er hinum svokölluðu „Gillick competence“ og „Fraser Guidelines“ mælikvörðum beitt til að ákvarða hvort stúlka, yngri en 16 ára, sé bær til að fá ávísað getnaðarvörnum án vitneskju eða samþykkis foreldra.

Samþykkt: 
  • 17.12.2012
URI: 
  • http://hdl.handle.net/1946/13536


Skrár
Skráarnafn Stærð AðgangurLýsingSkráartegund 
Friðhelgi einkalífs barns í frjósemisheilbrigðismálum.pdf294.76 kBOpinnHeildartextiPDFSkoða/Opna