Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13626
Fjölmiðlar hafa breyst mikið undanfarin ár og hafa orðið stór partur af lífi okkar nú til dags. Í þessari ritgerð er fjallað um umfjallanir í fjölmiðlum sem tengjast börnum og sérstaklega skoðað hvort fréttir séu neikvæðar eða jákvæðar í garð barnanna. Gerð var orðræðugreining til að greina betur fréttirnar og voru notuð dagblöð sem höfðu nýlega komið út við vinnslu á orðræðugreiningunni. Skoðað var hvort börnin hafi fengið að láta ljós sitt skína með sinni eigin rödd eða hvort umfjallanir hafi verið fullorðinslegar og raddir barna ekki fengið að hljóma. Í ritgerðinni hafa verið gerð greinagóð skil á helstu réttindum og reglum sem eru í gildi á Íslandi í dag og leitast var svara við hvernig reglur eru túlkaðar þegar kemur að börnum og fjölmiðlum. Helst var leitað svara í Barnasáttmála Sameinuðu þjóðanna en einnig hjá Unicef og umboðsmanni barna á Íslandi. Mannfræði barna er einnig viðfangsefni í þessari ritgerð og almennar barnahugmyndir sem erlendir mannfræðingar hafa komið fram með. Aðallega verður horft á hvaða réttindi börn hafa í fjölmiðlum nú til dags og leitast svara við þeim vangaveltum ásamt því að skoða almenn réttindi barna og hugmyndir mannfræðinga um börn.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
BA-Mannfræði-Elísabet Inga Knútsdóttir.pdf | 363.25 kB | Opinn | Heildartexti | Skoða/Opna |