Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13643
Í ritgerð þessari er þróun svokallaðrar „grunnstefnu“ (e. strategic concept) Atlantshafsbandalagsins í gegnum rúmlega 60 ára sögu þess gerð að umfjöllunarefni. Er þar gerð grein fyrir aðdragandanum að stofnun öflugasta varnarbandalags nútímans ásamt því umhverfi sem bandalagið er sprottið úr. Því næst er vikið að meginumfjöllunarefni ritgerðinnar, þ.e. með hvaða hætti grunnstefna bandalagsins hefur þróast frá stofnun þess fram til dagsins í dag, en því hefur verið haldið fram með nokkurri einföldun að skipta megi sögu Atlantshafsbandalagsins í þrjú aðskilin tímabil sem hvert um sig, með atburðum sínum og umhverfi, hafi mótað þá grunnstefnu sem við lýði hefur verið hverju sinni. Gerð er grein fyrir hverju tímabil fyrir sig, þ.e. þeim atburðum og þáttum sem einkenndu umhverfi Atlantshafsbandalagsins á viðkomandi skeiði, sem og með hvaða hætti slíkir þættir hafa lagt mark sitt á grunnstefnu bandalagsins á hverjum tíma. Loks er vikið að núgildandi grunnstefnu Atlantshafsbandalagsins, en margt bendir til þess að Atlantshafsbandalagið hafi nú í reynd siglt inn í fjórða skeið sögu sinnar, með breyttum áherslum til framtíðar.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Skjal1.pdf | 206.16 kB | Opinn | Forsíða | Skoða/Opna | |
Skjal2.pdf | 876.02 kB | Opinn | Heildartexti | Skoða/Opna | |
Skjal3.pdf | 107.21 kB | Opinn | Viðauki | Skoða/Opna |