Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13661
Fjölmiðlar eru órjúfanlegur hluti af daglegu lífi fólks. Fræðimenn og foreldrar hafa lengi haft áhyggjur af þeim áhrifum sem ofbeldisfullt efni í fjölmiðlum getur haft á hegðun barna og unglinga. Talið er að þegar börn ljúki grunnskóla hafi þau séð yfir 8.000 morð og meira en 100.000 ofbeldisverknaði í sjónvarpi. Meginviðfangsefni þessarar heimildaritgerðar er að skoða hvort, og þá hvernig, ofbeldi í fjölmiðlum hafi áhrif á árásarhneigð barna og unglinga. Einnig verður fjallað um fjölmiðlanotkun barna og unglinga, ásamt algengi ofbeldis í fjölmiðlum.
Niðurstöður ritgerðarinnar gefa til kynna að fjölmiðlanotkun barna og unglinga er mikil. Einnig er ofbeldi í fjölmiðlum mjög algengt. Ofbeldi í fjölmiðlum er einn þeirra áhættuþátta sem geta valdið aukinni árásarhneigð barna og unglinga og hefur bæði skammtíma- og langtímaáhrif. Ofbeldi í fjölmiðlum getur aukið líkamlega og munnlega árásarhneigð barna og unglinga til skamms tíma, ásamt því að auka árásarhneigðar hugsanir og tilfinningar sem tengjast árásarhneigðri hegðun. Það að horfa mikið á ofbeldisfullt efni í æsku eykur líkurnar á árásargjarnri hegðun á fullorðinsárunum. Í ljósi þessara niðurstaðna er mikilvægt að koma á forvörnum til þess að sporna við neikvæðum áhrifum ofbeldis í fjölmiðlum en ýmsar leiðir eru mögulegar í þeim efnum. Félagsráðgjafar vinna oft með börnum og unglingum og gegna því mikilvægu hlutverki í forvarnarvinnu með ungmennum.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
BAritgerdArna2013PDF.pdf | 486 kB | Opinn | Heildartexti | Skoða/Opna |