Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13693
Notendasamráð hefur verið að ryðja sér til rúms sem bæði hugmyndafræðileg undirstaða í geðheilbrigðisþjónustu og vinnuaðferð fagfólks í vestrænum ríkjum allt frá sjöunda áratug síðustu aldar. Innan geðheilbrigðiskerfisins hafa notendur barist fyrir rétti sínum til þess að hafa áhrif meðferðarleiðir og önnur úrræði sem í boði eru fyrir fólk með geðraskanir. Í þessarri ritgerð er skoðað hvort notendasamráð sem hugmyndafræði hafi haft áhrif á stefnumótun íslenskra stjórnvalda í geðheilbrigðismálum og staða innleiðingar borin saman við stöðuna í Englandi. Einnig verður sagt frá því hvernig félagsráðgjafar nota þessa aðferð í vinnu með notendum geðheilbrigðiskerfisins og hvernig þessi hugmyndafræði hefur haft áhrif á þjónustu við fólk með alvarlegar geðraskanir. Niðurstöður leiða í ljós að mikil og jákvæð þróun í átt að auknu notendasamráði hefur átt sér stað í stefnumótun í málaflokknum síðustu áratugi en þróunin á Íslandi er komin töluvert styttra á veg en þróunin í Englandi. Starfsaðferð sem virkar vel til að virkja notendur er valdefling en sú aðferð fellur mjög vel að öðrum starfsaðferðum félagsráðgjafa. Hugmyndafræði notendasamráðs er áberandi í þjónustunni og sést það helst á því að innleiðing batamiðaðrar þjónustu stendur nú yfir á geðsviði Landspítalans og að fulltrúi notenda er einnig þar starfandi.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Notendasamráð í geðheilbrigðiskerfinu_gvv1_skemman.pdf | 847.33 kB | Opinn | Heildartexti | Skoða/Opna |