Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1371
Verkefni þetta er lokaverkefni til B.Sc. gráðu í líftækni við Háskólann á Akureyri. Rannsóknarspurningar sem leitað var svara við eru eftirfarandi:
• Hversu mikil er fiskneysla fólks á Akureyri og í nágrenni bæjarfélagsins?
• Hverjar eru ástæður þess að fiskur er hafður á borðum?
• Er að aukast bilið milli kynslóða í neyslu fisks eins og eldri rannsóknir hafa sýnt?
• Hver er þekking á heilnæmi fisks hjá hinum almenna neytenda?
Verkefnið inniheldur jafnframt fræðilega umfjöllun um innihaldsefni og heilnæmi fisks ásamt umfjöllun um niðurstöður rannsókna sem sýna fram á heilnæmi hans. Fiskur er fæða sem sýnt hefur verið fram á að er mjög heilnæmur og að hann inniheldur m.a.ómega-3 fitusýrur sem eru góðar fyrir hjartað ásamt próteinum og peptíðum? sem einnig eru talin hafa jákvæð áhrif á heilsu manna. Fiskur hefur verið mikilvægur hluti þess matar sem á borð hefur verið lagður á íslenskum heimildum frá örófi alda og á hugsanlega þátt í háum meðalaldri Íslendinga. Nú er þó ljóst að eitt okkar einkennismerkja, að vera mikil fiskneysluþjóð, er nánast horfið á ótrúlega skömmum tíma. Miklar breytingar hafa orðið á lífsháttum á stuttum tíma sem fylgt hafa velmegunarsjúkdómar sem fjallað er um ásamt umfjöllun um möguleika fisks sem markfæði
Þróun fiskneyslu er skoðuð með því að horfa um öxl á þróun fiskveiða og á niðurstöður um fiskneyslu úr neyslurannsóknum hérlendis. Til að varpa ljósi á þróun fiskneyslu úr fleiri áttum var upplýsinga aflað um fjölda fiskmáltíða og matreiðsluaðferðir í mötuneytum í grunnskólum Akureyrar sem ná ekki viðmiðum Lýðheilsustöðvar. Einnig er fjallað um tölur um framboð á fiski á mörkuðum.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
throunfiskneyslu.pdf | 527.79 kB | Takmarkaður | Fiskneysla - heild | ||
throunfiskneyslu_e.pdf | 133.35 kB | Opinn | Fiskneysla - efnisyfirlit | Skoða/Opna | |
throunfiskneyslu_h.pdf | 149.4 kB | Opinn | Fiskneysla - heimildaskrá | Skoða/Opna | |
throunfiskneyslu_u.pdf | 86.79 kB | Opinn | Fiskneysla - útdráttur | Skoða/Opna | |
Þróun fiskneyslu_viðaukar1.pdf | 6.87 MB | Takmarkaður | Fiskneysla - viðaukar |