Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13733
Bakgrunnur: Vinnumarkaður í hinum vestræna heimi hefur breyst mikið undanfarin 100 ár eða svo, úr bændasamfélögum yfir í það iðnaðar- og þekkingasamfélag sem nú er við lýði. Því hefur löngum verið haldið á lofti að munur sé á milli kynslóða varðandi hina ýmsu þætti í lífinu. Kynslóðirnar sem eru hvað virkastar á vinnumarkaði í dag eru þrjár: uppgangskynslóðin (f.1943-1960), X-kynslóðin (f.1961-1981) og Y-kynslóðin (f.1982-2005).
Tilgangur: Markmiðið með verkefninu er að varpa ljósi á hvort munur sé á viðhorfi kynslóðanna þriggja til stjórnunar, starfsánægju og starfsumhverfis.
Aðferðafræði: Verkefnið byggir á gögnum úr könnuninni Stofnun ársins 2012 sem SFR lét gera. Þátttakendur í könnuninni voru 2.393 þegar búið var að flokka frá ógild svör, þar af voru 1447 (60%) af uppgangskynslóðinni, 803 (34%) af X-kynslóðinni og 143 (6%) af Y-kynslóðinni. Til að lýsa niðurstöðum á einfaldan hátt var notuð lýsandi tölfræði. Meðaltöl voru fundin og marktækni reiknuð út með kí-kvaðrat prófum. Við túlkun niðurstaðna var ályktunartölfræði beitt.
Niðurstöður: Helstu niðurstöður verkefnisins gefa til kynna að munur er á viðhorfum kynslóðanna þriggja til aðbúnaður á vinnustað og starfsánægju þeirra. Hinsvegar er lítill sem enginn munur á viðhorfum kynslóðanna til stjórnenda og stjórnunar á sínum vinnustað. Uppgangskynslóðinni líður betur og eru ánægðari í starfi en bæði X- og Y-kynslóðirnar. Uppgangskynslóðin er einnig stoltust af bæði starfi sínu og stofnuninni sem þau starfa hjá en Y-kynslóðin er ánægðust með vinnustaðamenninguna. Uppgangskynslóðin var ánægðust með alla þætti er viðkomu starfsumhverfi en Y-kynslóðin var óánægðust.
Lykilhugtök: kynslóð, kynslóðamunur, starfsánægja, starfsumhverfi.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
MS.Anna Dís.pdf | 1.03 MB | Opinn | Heildartexti | Skoða/Opna |