ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Viðskipta- og raunvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1376

Titill

Raforkukaup Orkubús Vestfjarða hf. : spálíkan

Útdráttur

Verkefni þetta er unnið í samstarfi við Orkubú Vestfjarða hf. með það að tilgangi að kanna hvort unnt sé að setja fram líkan sem segir til um hve mikil þörf er á rafmagni á starfssvæði þess. Þörf fyrir þessa áætlanagerð varð til við setningu raforkulaganna nr. 65/2003.
Fyrirfram var vitað að orkuþörf til upphitunar húsnæðis er háð útihitastigi og vindstyrk. Það var staðfest og einnig fannst samhengi milli breytinga á orkunotkun eftir því hvort um helga eða virka daga er að ræða. Einnig var það staðfest að ekki er nóg að reikna orkunotkunina út frá hitastigi og vindstyrk, þá þarf að taka tillit til þess hvaða mánuð er verið að skoða. Athygli vakti að þegar hlýindakafli í febrúar árið 2004 var skoðaður hélst orkunotkun langt yfir því sem við töldum hitastigið kalla á. Þetta varð til þess að við bættum leiðréttingarþætti fyrir mánuði inn í líkanið. Líkan það sem hér er notast við byggir á fjölbreytu aðhvarfsgreiningu.
Verkefnið fólst einnig í því að kanna fjárhagsleg áhrif lagabreytinganna á Orkubúið. Farið var ofan í saumana á uppgjöri vegna jöfnunarorku Orkubúsins og Landsnets hf. fyrir fyrstu tvo mánuði ársins 2005. Út frá þessum fyrstu uppgjörum teljum við okkur geta fullyrt að best sé að áætla notkunina með eins mikilli nákvæmni og unnt er. Það leiðir til minni áhættu hvað varðar heildarkostnað við innkaup á rafmagni til Orkubúsins. Þessa mánuði voru meðaltalsverð á jöfnunarorku hærri en þau verð sem Orkubúið greiðir Landsvirkjun samkvæmt gildandi verðsamningum.
Það vakti athygli að nú er hægt að komast hjá því að greiða refsigjald til Landsvirkjunar ef notkun fer yfir umsamin afltopp. Þetta er gert með að panta ekki meira en nemur afltoppnum og kaupa það sem á vantar í formi jöfnunarorku.
Raforkulögin sem komu að stærstum hluta til framkvæmda um síðustu áramót orsökuðu breytingar í rekstrarumhverfi raforkufyrirtækja. Þessum breytingum höfum við gert skil í verkefninu og lagt mesta áherslu á hlutverk Landsnets hf. og allt sem lýtur að jöfnunarorku. Lítillega er fjallað um þær breytingar sem verða þann 1. janúar 2006. Þá mun almenningur geta valið sér raforkuseljanda óháð búsetu.

Birting
1.1.2005


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Raforkukaup_spálíkan.zip1,41MBOpinn Raforkukaup - spálíkan GNU ZIP Skoða/Opna
Raforkukaup_viðaukar.pdf448KBOpinn Raforkukaup - viðaukar PDF Skoða/Opna
raforkukaupOV.pdf997KBOpinn Raforkukaup - heild PDF Skoða/Opna