Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14012
Kenningin um sjálfsmisræmi (self-discrepancy theory) útskýrir á kerfisbundinn hátt hvernig tilteknir þættir sjálfsmyndar tengjast og hvernig fólk er líklegra til að upplifa neikvæðar tilfinningar þegar misræmi skapast milli þessara þátta í sjálfsmynd. Í ritgerðini er rætt um sjálfsmisræmi og kenningalegan bakgrunn þess. Annmarkar eldri mælitækja eru ræddir. Fjallað er um rannsóknir á neikvæðum afleiðingum mikils sjálfsmisræmis svo sem áhrif sjálfsmisræmis á kauphegðun einstaklinga og áhrif innfæringar (internalization) óraunhæfra samfélagslegra viðmiða um líkamsvöxt á líkamsmynd kvenna. Rannsóknin sem hér er lýst hafði það að markmiði að kanna hugtakaréttmæti Sjálfsmisræmiskvarða Rögnu B. Garðarsdóttur og Helgu Dittmar (2010) en mælikvarðinn var gerður til að mæta gagnrýni á eldri mælitæki sem hafa reynst rannsakendum illa og þátttakendum torskilin. Jafnframt voru próffræðilegir eiginleikar kvarðans kannaðir. Þátttakendur í rannsókninni voru 207 talsins. Niðurstöður leiddu í ljós að Sjálfsmisræmiskvarðinn hefur meðalsterka fylgni við eldri mælitæki sem rennir stoðum undir hugtakaréttmæti kvarðans.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
BS.pdf | 229.85 kB | Opinn | Heildartexti | Skoða/Opna |