is Íslenska en English

Lokaverkefni (Bakkalár)

Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14061

Titill: 
  • Undirbúningur læsis í leikskóla
Námsstig: 
  • Bakkalár
Útdráttur: 
  • Ritgerð þessi er lokaverkefni til B.Ed gráðu í leikskólakennarafræðum við Menntavísindasvið Háskóla Íslands. Meginmarkmið ritgerðarinnar er að skoða hvernig undirbúningur fyrir lestur þróast hjá börnum á leikskólaaldri og hvernig börnin þróa með sér talmálið. Leitast er við að svara rannsóknarspurningunni: Hvernig undirbúum við börn í leikskólum fyrir lestrarnám?
    Margar kenningar hafa verið settar fram um máltöku og málþróun barna og framvindu hennar. Fjallað er um nokkra kennismiði og hugmyndir þeirra um hvernig tungumálið þróast hjá börnum og skoðað hvaða þættir tungumálsins hafa afgerandi tengingu við undirbúning læsis. Lestrarþróunarferlið er skoðað og hversu mikilvægu hlutverki leikskólinn og umhverfi hans gegnir til að örva læsisþroska barna. Farið er yfir helstu hugmyndir fræðimanna um hvernig börn ná tökum á lestri og hvernig lestrarfærni þróast.
    Gerð er grein fyrir mikilvægi þess að þjálfa hljóðkerfisvitund hjá börnum á leikskólaaldri og hvað slík þjálfun getur haft mikil áhrif á lestaraþróunarferlið. Þjálfun hljóðkerfisvitundar getur meðal annars farið fram í gegnum leik barna.
    Skoðað er hvernig leikskólar og starf á leikskólum hefur þróast á Íslandi. Eftir að leikskólinn var skilgreindur sem fyrsta skólastigið í menntakerfinu hefur starfið í leikskólum breyst í þá veru að gerðar eru meiri kröfur um faglegt leikskólastarf.
    Verkefninu er ætlað að varpa ljósi á hversu mikilvægt það er að umhverfi leikskólans sé mál-og læsishvetjandi og að nemendur hafi aðgang að efni og námsgögnum sem efla vitund þeirra um mál og læsi.

Samþykkt: 
  • 20.2.2013
URI: 
  • http://hdl.handle.net/1946/14061


Skrár
Skráarnafn Stærð AðgangurLýsingSkráartegund 
Ritgerð.pdf703.96 kBOpinnHeildartextiPDFSkoða/Opna