ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Heilbrigðisvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1412

Titill

Aðgengi í íbúðum : fyrir 50 ára og eldri

Útdráttur

Á síðustu árum hefur athyglin í auknum mæli beinst að aðgengi í íbúðum. Gott aðgengi er
mikilvæg forsenda þess að fólk með skerta færni geti búið heima við eðlilegt heimilislíf. Þeir
þættir sem hafa áhrif á aðgengi eru færni einstaklings og efnislegar hindranir í umhverfinu.
Erlendar rannsóknir benda til þess að á heimilum aldraðra séu hindranir sem geta hamlað
þátttöku þeirra í daglegri iðju. Tilgangur þessarar rannsóknar var í fyrsta lagi að lýsa
hindrunum og hugsanlegum aðgengisvandamálum í íbúðum sem eru auglýstar fyrir 50 ára og
eldri. Í öðru lagi var tilgangurinn að leggja mat á hagnýtt gildi matstækisins Housing Enabler
við að meta aðgengisvandamál í ofangreindum íbúðum. Í úrtakinu voru fimm íbúðir í
fjölbýlishúsum á höfuðborgarsvæðinu sem valdar voru með hentugleikaaðferð. Rannsóknin
fór fram sem forkönnun og notað var lýsandi, megindlegt rannsóknarsnið. Hindranir voru
metnar hlutlægt með umhverfishluta matstækisins, sem aðlagað var að íslenskum
aðgengisstöðlum. Tvær færnimyndir voru skilgreindar með hliðsjón af færnihluta
matstækisins, annars vegar fólk sem notar hjólastól og hins vegar fólk með skert jafnvægi og
úthald. Skoðuð voru umfangsmestu aðgengisvandamálin fyrir þessar færnimyndir.
Niðurstöður sýndu að hindranir voru í öllum íbúðunum og aðkomuleiðum þeirra. Þyngstu
aðgengisvandamálin voru meðal annars háir þröskuldar að svölum, þungar hurðir í
inngöngum, of hátt staðsettir efri skápar í eldhúsi og ýmsar hindranir í aðkomuleiðum úr
bílageymslum. Einnig skorti handföng á baðherbergjum. Housing Enabler er umfangsmikið
matstæki í notkun og úrvinnslu og gerir miklar kröfur til nákvæmni og leikni matsmanna.
Niðurstöður benda til þess að það hafi hagnýtt gildi við að greina milli íbúða. Auk þess
skerpir það augu matsmanna fyrir hindrunum sem geta valdið fólki með ólíkum
færniskerðingum vandamálum.
Lykilhugtök: Aldraðir, íbúðir, hindranir, aðgengi, aðgengisvandamál.

Birting
1.1.2005


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Aðgengi í íbúðum_h... .pdf32,2MBOpinn Aðgengi íbúða - heild PDF Skoða/Opna