is Íslenska en English

Lokaverkefni (Bakkalár)

Háskólinn á Akureyri > Heilbrigðisvísindasvið > B.S. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1413

Titill: 
  • Réttindi Alzheimersjúklinga : siðfræðileg rannsókn
Námsstig: 
  • Bakkalár
Útdráttur: 
  • Tilgangur þessarar siðfræðilegu rannsóknar var að minnka þann vanmátt og ótta
    sem fylgir umönnun einstaklinga með Alzheimersjúkdóminn. Það er mikilvægt fyrir
    hjúkrunarfræðina sem fræðigrein að vera vakandi gagnvart ástandi skjólstæðinga
    sinna þó oft sé erfitt að botna í því ástandi og að virða þá alltaf sem einstaka
    einstaklinga, með sína einstöku lífsreynslu. Markmiðið með rannsókninni var að
    vekja hjúkrunarfræðinga til umhugsunar með jákvæðri umræðu um það erfiða
    verkefni sem andleg umönnun einstaklinga með Alzheimersjúkdóminn er. Mikilvægi
    þessarar ritgerðar er ekki síður að vekja allt samfélagið til meðvitundar um það hvað
    hræðsla okkar við það óþekkta getur valdið öðrum miklum sársauka. Rannsóknin var
    því mitt framlag til að reyna að opna huga þess fyrir því að einstaklingar með
    Alzheimersjúkdóminn eru manneskjur eins og þú og ég. Rannsóknarsviðið var líðan
    einstaklingsins sem haldin er Alzheimersjúkdómnum á hinum þremur stigum hans og
    einnig hvað það felur í sér að vera manneskja.
    Heimildasamantekt fyrir þessa rannsókn var yfirgripsmikil og spannaði mörg
    svið. Sviðin voru: reglur almennrar siðfræði, siðfræði hjúkrunarfræðinnar,
    stigskipting Alzheimersjúkdómsins, hjúkrunarfræðileg viðfangsefni tengd
    Alzheimersjúklingnum sjálfum (t.d. samskipti og skilningur) og heimspekilegar
    umræður um stöðu einstaklingsins sem haldinn er Alzheimersjúkdómnum.
    Rannsóknarsniðið sem notað var í þessari rannsókn er byggt á heimspekilegum
    og siðfræðilegum aðferðum. Í fyrsta lagi hugtakagreining, sem er heimspekileg
    aðferð sem notuð var við greiningu á inntaki ákveðinna hugtaka, eins og réttinda,
    virðingar ofl. Í öðru lagi siðfræðileg rökræða, sem er aðferð sem vel var til þess fallin
    að renna stoðum undir ákveðnar skoðanir með röksemdafærslu og komast að
    niðurstöðu sem byggist á rökum.
    Helstu niðurstöður voru þær að það gefur einstaklingum með
    Alzheimersjúkdóminn ákveðinn rétt að vera manneskja sem hluti af samfélagi manna,
    og einnig gefur það þeim ákveðin rétt að vera ólíkar manneskjur með sína einstöku
    lífssögu. Niðurstöður um hvað réttindi þeirra fela í sér eru þó lítið eitt misjafnar eftir
    því um hvaða stig sjúkdómsins er að ræða og á hvaða forsendum réttindin eru sett
    fram. Helstu ályktanir, sem dregnar voru af niðurstöðunum, voru þær að nauðsynlegt
    er að koma siðferðilegum réttindum Alzheimersjúklinga inn í starfsreglur þeirra sem
    annast þá svo að siðferðilega skyldan sem þeim fylgir verði að starfsskyldu sem fara
    verður eftir þegar starfað er að umönnun þessara einstaklinga.

Samþykkt: 
  • 1.1.2002
URI: 
  • http://hdl.handle.net/1946/1413


Skrár
Skráarnafn Stærð AðgangurLýsingSkráartegund 
Réttindi alzheimer_heild.pdf511.15 kBOpinnRéttindi alzheimer - heildPDFSkoða/Opna