Lean maintenance : straumlínustjórnun við viðhaldsstýringu hjá Alcoa Fjarðaáli

Abstract

Í þessu verkefni er leitað svara við því hvernig hægt sé að skilgreina straumlínuviðhald (e. Lean maintenance) og hvernig fylgni sé við það innan Alcoa Fjarðaáls. Með því að líta til straumlínustjórnunnar (e. Lean management) og fylgni viðhalds við þá stefnu, kemst höfundur að þeirri niðurstöðu að þungamiðja viðhalds í straumlínustjórnunni sé sá hluti JIT (e. Just in time) sem nefndur er ‚Total Productive Maintenance‘ (TPM). Við skoðun á straumlínustjórnun viðhaldsstýringar kemst höfundur að sömu niðurstöðu, að undirstaða hennar sé TPM. Með þetta að leiðarljósi var tekið til skoðunnar hvernig framsetning og eftirfylgni TPM væri háttað hjá Fjarðaáli.Gerð var könnun á meðal þeirra sem koma að viðhaldsskipulagningu og eigenda framleiðsluferla. Leitað var eftir áliti þeirra á núverandi skipulagningu viðhalds samanborið við klassíska uppsetningu úr viðhaldsfræðunum.Framsetning TPM hjá Fjarðaáli er nokkuð skýr en misjafn skilningur virðist vera á því hvað TPM felur í sér auk þess sem stýringu verkefna til framleiðslustarfsfólks er ábótavant. Ekki liggur heldur fyrir nein áætlun um innleiðingu TPM hjá fyrirtækinu þó í orði kveðnu sé fyrirtækið að starfa með stefnuna að leiðarljósi.