is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14337

Titill: 
  • Hagnaður af eignarnámi
Námsstig: 
  • Bakkalár
Leiðbeinandi: 
Útdráttur: 
  • Eignarnámsþoli á að fá fullt verð fyrir eign sína svo hann verði eins settur fjárhagslega og ef ekkert eignarnám hefði orðið, það er ekki gert ráð fyrir því að eignarnámsþoli hagnist á eignarnáminu. Markmið ritgerðarinnar verður að leiða í ljós hvaða regla gildir um frádrátt hagnaðar eignarnámsþola af eignarnámi. Verður það gert með þeim hætti að í kafla 2 verður fjallað almennt um 72. gr. stj.skr., sem er útgangspunktur fyrir þá umfjöllun þar sem ákvæðið setur skilyrði um fullar bætur. Þarf því alltaf að hafa ákvæðið í huga þegar fjalla á um atriði er tengjast ákvörðun eignarnámsbóta. Verður í þeirri umfjöllun vikið að uppruna ákvæðisins og aðeins farið yfir í inntak þess. Í kafla 3 verður farið yfir eignarnám í skilningi 72.gr. stj.skr. Þar verða mörkin milli eignarnáms og almennra takmarkana á eignaréttindum könnuð og að svo búnu verður vikið að þeim skilyrðum sem 72. gr. setur fyrir eignarnámi. Að því loknu verður farið yfir ákvörðun eignarnámsbóta, hvað skuli bæta, við hvaða leiðir má styðjast við matið og hvaða tímamark leggja skuli til grundvallar við ákvörðun fjárhæðar eignarnámsbóta. Verður sú umfjöllun í kafla 4 hér á eftir. Í kafla 5 verður svo greint frá frádrætti ávinnings vegna eignarnámsins en það er eins og áður sagði útgangspunktur ritgerðarinnar. Þar sem engin almenn lagaregla tekur á þessum frádrætti þarf að skoða aðrar réttarheimildir og leiða af þeim þá reglu sem talin er gilda um það atriði. Farið verður yfir lagagrundvöll reglunnar, meginreglur sem hana varða, hvernig regla gildir um þetta efni í norrænum rétti, skoðanir fræðimanna og loks framkvæmd hennar í höndum dómstóla og matsnefndar eignarnámsbóta. Í kafla 6 verður svo gerð grein fyrir því sem nefnt hefur verið sérstakur ávinningur og almennur ávinningur. Sú aðgreining er algjör grundvöllur frádráttarreglunnar og munu þau hugtök koma oft fyrir í ritgerðinni. Verður vikið að þeim hugtökum fyrst í byrjun 5. kafla en nánari umfjöllun um þau verður í kafla 6. Að lokum verður efni ritgerðarinnar dregið saman í kafla 7, þar sem greint verður frá því hvaða regla gildir um frádrátt hagnaðar eignarnámsþola af eignarnámi.

Samþykkt: 
  • 9.4.2013
URI: 
  • http://hdl.handle.net/1946/14337


Skrár
Skráarnafn Stærð AðgangurLýsingSkráartegund 
Katla Lovísa.pdf284.34 kBOpinnHeildartextiPDFSkoða/Opna