Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14372
Ritgerð þessi fjallar um atvinnuleysi hjá ungu fólki á Íslandi um þessar mundir og hvernig megi vinna gegn langtímaatvinnuleysi sem að líkindum er vaxandi félagslegt vandamál eftir efnhagshrunið 2008. Umfjöllunarefni ritgerðarinnar er gildi vinnunnar með áherslu á ungt fólk og skaðsemi langtímaatvinnuleysis fyrir þann hóp. Fjallað er um hvaða úrræði eru í boði til að bæta atvinnuþátttöku þessa fólks og hvernig nýta megi reynslu og rannsóknir til að finna lausnir á atvinnuleysisvandanum.
Lausnin er margþætt og úrræðin felast m.a. í stuðningi til menntunar, aðgerðum sem miða að því að draga úr brottfalli eftir grunnnám, samþætta starfsmenntun og bóknám, með það að markmiði að auka reynslu og færni ungs fólks í vinnu. Takmarkið er að koma ungu fólki sem fyrst til vinnu þar sem í vinnunni felst helsta aðlögunartæki samfélagsins. Hætt er við kynslóðaflutningi atvinnuleysis og lærðu hjálparleysi ef ungt fólk fær ekki vinnu.
Fjallað er um félagsfræðilegar kenningarnar tengdar vinnuþátttöku og þær settar í samhengi við félagslega virkni og vinnumarkaðsaðgerðir. Skoðað er hvað breyttist með hruninu, hvað var gert til að bæta atvinnuúrræði hérlendis, hvernig það var gert og hver staðan er í dag. Jafnframt er fjallað um hvers konar úrræði gætu mögulega nýst til að verjast atvinnuleysi og þá sérstaklega langtímaatvinnuleysi hjá ungu fólki á Íslandi í dag.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
BA_ritgerd_Vilborg_1.pdf | 292.06 kB | Opinn | Heildartexti | Skoða/Opna |