is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14392

Titill: 
  • Fjarlæging mannvirkis. Heimild stjórnvalda samkvæmt 2. mgr. 55. gr. laga nr. 160/2010 um mannvirki og sjónarmið um réttmætar væntingar
Námsstig: 
  • Bakkalár
Útdráttur: 
  • Með 2. mgr. 55. gr. laga nr. 160/2010 um mannvirki er byggingarfulltrúa eða eftir atvikum Mannvirkjastofnun meðal annars veitt heimild til að krefjast þess að ólöglegt mannvirki eða byggingarhluti sé fjarlægt. Sinni eigandi ekki þeirri kröfu er heimilt að vinna slíkt verk á hans kostnað. Í 1. mgr. 72. gr. stjórnarskrár lýðveldisins Íslands nr. 33/1944 er eignarrétti veitt stjórnskipuleg vernd. Þar segir meðal annars að engan megi skylda til að láta af hendi eign sína nema almenningsþörf krefji, lagafyrirmæli séu til staðar og fullt verð komi fyrir.
    Markmið þessarar ritgerðar er tvíþætt. Annars vegar að rannsaka þau sjónarmið sem byggt er á við mat á því hvort beita eigi 2. mgr. 55. gr. lmv. Í því augnamiði verður litið til dóma Hæstaréttar og úrskurða úrskurðarnefndar skipulags- og byggingarmála (hér eftir verður skammstöfunin ÚSB notuð um úrskurði úrskurðarnefndar skipulags- og byggingarmála). Hins vegar verður vikið nánar að fyrirmælum 2. mgr. 55. gr. lmv., að eiganda mannvirkis sé gert að bera sjálfur þann kostnað sem af fjarlægingu mannvirkis hlýst. Því verður velt upp hvort þessi fyrirmæli geti talist ólögmæt í ákveðnum tilvikum. Í því sambandi verða málsatvik þriggja dóma Hæstaréttar í svonefndum Suðurhúsamálum rakin ítarlega með hliðsjón af reglunni um réttmætar væntingar.
    Í öðrum kafla verður fjallað um eðli reglna á sviði skipulags- og byggingarmála, hvernig þær samrýmast vernd eignarréttar og hvaða áhrif sú vernd hefur á túlkun þeirra. Í þriðja kafla verður vikið nokkrum orðum að útgáfu byggingarleyfis og réttaráhrifum hennar. Meginumfjöllunarefni ritgerðarinnar er að finna í fjórða kafla. Fyrst verður fjallað almennt um 2. mgr. 55. gr. lmv. Í kafla 4.2 verða sjónarmið við mat á beitingu ákvæðisins greind og í kafla 4.3 verða fyrirmæli 2. mgr. 55. gr. lmv. athuguð nánar út frá því hvort það geti í einhverjum tilvikum verið ólögmætt að láta eiganda mannvirkis bera kostnað af fjarlægingu þess. Gera verður skýran greinarmun á að sjónum er ekki beint að lögmæti fjarlægingar mannvirks sem slíkrar heldur því að eiganda mannvirkis sé í öllum tilvikum gert að bera það tjón sem henni fylgir.

Samþykkt: 
  • 12.4.2013
URI: 
  • http://hdl.handle.net/1946/14392


Skrár
Skráarnafn Stærð AðgangurLýsingSkráartegund 
BA. ritgerð - Þorvaldur Hauksson.pdf366.55 kBOpinnHeildartextiPDFSkoða/Opna