is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14427

Titill: 
  • Mat dómstóla á gildi ólögmætra sönnunargagna
Námsstig: 
  • Bakkalár
Útdráttur: 
  • Í ritgerðinni er fjallað um mat dómstóla á gildi ólögmætra sönnunargagna. Markmið ritgerðarinnar er að bera saman dómsniðurstöður þar sem annars vegar lögregla aflar sönnunargagna á ólögmætan hátt og hins vegar þar sem almennir borgarar standa að gagnaöfluninni á eðlislíkan hátt og skoða hvort einhver munur virðist vera á því í framkvæmd hvernig gögnin eru metin. Til þess að afmarka umfjöllunina er einkum litið á dóma þar sem aðferðir gagnaöflunar myndu falla undir þvingunarráðstafanir lögreglu eða sérstakar rannsóknaraðferðir hennar. Einkum eru skoðaðar aðgerðir þar sem sakborningi er ókunnugt um gagnaöflun einkaaðila eða rannsókn lögreglu og getur þar af leiðandi ekki hreyft mótmælum við aðgerðunum.
    Í upphafi er gerð grein fyrir þeim meginreglum íslensks sakamálaréttarfars sem hafa haft hvað mest áhrif á sönnunargildi ólögmætra sönnunargagna í sakamálum. Þar að auki er gerð grein fyrir þeim viðmiðum sem myndast hafa í dómaframkvæmd um gildi slíkra gagna. Því næst er fjallað um gagnaöflun annars vegar lögreglunnar og hins vegar einkaaðila með tálbeitum og leynilegum upptökum og dómaframkvæmd í þessum málum rakin. Að þeirri umfjöllun lokinni er tekið til skoðunar hvernig rökin með og á móti því að ólögmæt sönnunargögn hafi fullt sönnunargildi horfa við þessum ólíku aðilum. Að lokum eru niðurstöður ritgerðarinnar dregnar saman.

Samþykkt: 
  • 15.4.2013
URI: 
  • http://hdl.handle.net/1946/14427


Skrár
Skráarnafn Stærð AðgangurLýsingSkráartegund 
BA ritgerð Helga Guðmundsdóttir.pdf467.36 kBOpinnHeildartextiPDFSkoða/Opna