Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14511
Markmið þessarar ritgerðar er að kanna hvernig vörumerkinu Metabolic er stýrt, hver einkenni þess eru og hvernig iðkendur upplifa vörumerkið. Fjallað er um markaðsfærslu og þá þætti sem snúa að henni. Einnig er fjallað um helstu hugtök vörumerkjastjórnunar og þá sérstaklega CBBE líkanið, sem sýnir hvernig hægt er að byggja upp sterkt vörumerki og viðhalda því.
Tekið var viðtal við Gunnhildi Erlu Vilbergsdóttur, framkvæmdastjóra viðskipta Metabolic, til þess að fá innsýn í stýringu og starfsemi Metabolic. Einnig var framkvæmd megindleg rannsókn í formi spurningarkönnunar þar sem ímynd og viðhorf neytenda gagnvart Metabolic var kannað. Í könnuninni voru þátttakendur spurðir hvað þeir tengdu við Metabolic og kom í ljós að þátttakendur tengdu helst skemmtun, árangur og fjölbreytileika við vörumerkið. Einnig var kannað hvaða reynslu þátttakendur hefðu af vörumerkinu og hvað mætti gera betur að þeirra mati.
Rannsóknin leiddi í ljós að iðkendur eru almennt mjög ánægðir með starfsemi og þjónustu Metabolic. Metabolic virðist standa við gefin loforð og markmið sín. Niðurstaðan er sú að Metabolic er að skila merkingu sinni mjög vel í huga neytenda.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Eva Kristinsdóttir BS.pdf | 1.1 MB | Opinn | Heildartexti | Skoða/Opna |