is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14610

Titill: 
  • Markaðsáætlun fyrir knattspyrnufélag. Gerð markaðsáætlunar fyrir Víði Garði
  • Titill er á ensku A marketing plan for a football team
Námsstig: 
  • Bakkalár
Útdráttur: 
  • Markmið þessarar ritgerðar er að móta heildstæða markaðsáætlun fyrir knattspyrnufélagið Víðir í Garði sem getur notfært sér hana til að auka fjölda áhorfenda á leikjum. Þessi markaðsáætlun er byggð á megindlegri rannsókn á vörumerkjavirði Víðis og viðtali þar sem rætt er við formann félagsins.
    Til að byrja með er sagt örstutt frá félaginu sem um ræðir, sögu þess og núverandi stöðu til að gefa lesanda tækifæri á að kynnast viðfangsefninu. Í fræðilega hluta ritgerðarinnar er farið yfir þau mikilvægu skref sem knattspyrnufélög þurfa að stíga þegar verið er að gera markaðsáætlun. Þar eru einnig kynnt til leiks ýmis greiningartæki sem knattspyrnufélög geta nýtt sér. Þar má nefna SVÓT, sem er samantekt af styrkleikum og veikleikum innra umhverfis og af PESTLE sem greinir ytra umhverfi niður í ógnanir og tækifæri. Þá er vaxtalíkan Ansoff notað til að kanna hinar ýmsu leiðir til vaxtar og því næst er sagt frá pýramída Keller um vörumerkjavirði í huga neytenda (e. CBBE model).
    Rannsóknin byggir á frumgögnum sem aflað var til að skoða betur vörumerkjavirði Víðis en þar er leitast við að kanna á hvaða sviðum virði Víðis er og hvar félagið þarf að bæta sig.
    Niðurstöður gefa til kynna að það er margt sem Víðir er að gera vel í markaðssetningu sinni en einnig er margt sem þeir geta tileinkað sér úr markaðsfræðunum. Þá kemur meðal annars fram að vitund stuðningsmanna liðsins er alls ekki nægilega góð á leikmönnum né þjálfara liðsins. Við það verður erfiðara að skapa tryggð við félagið. Með skýrari stefnu í markaðsáætlun sinni gæti Víðir aukið til muna áhorfendafjölda og þar af leiðandi gætu tekjur aukist í formi miðasölu og gert félagið meira aðlaðandi fyrir fyrirtæki sem myndu vilja styrkja félagið.

Samþykkt: 
  • 2.5.2013
URI: 
  • http://hdl.handle.net/1946/14610


Skrár
Skráarnafn Stærð AðgangurLýsingSkráartegund 
Lokaskjal.pdf967.76 kBOpinnHeildartextiPDFSkoða/Opna