Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14614
Smálánafyrirtæki hafa orðið sí algengari á síðustu árum og er talað um að engin önnur atvinnugrein hafi vaxið eins ört. Árið 2009 hófu smálánafyrirtækin starfsemi sína hér á Íslandi, í upphafi voru fyrirtækin tvö en á örfáum árum hefur þeim fjölgað í fimm talsins. Gríðarlegur vöxtur er því í atvinnugreininni, hér á landi sem og annarsstaðar.
Smálánastarfsemi hófst ólöglega í kringum 1800 í Bandaríkjunum á milli þeirra aðila sem ekki höfðu kost á því að sækja sér lán hjá hefðbundnum lánastofnunum. En lengi vel voru það einungis þeir ríku sem höfðu möguleika á því að taka sér lán eða að leggja peninga sína inn á banka til ávöxtunar. Smálánstarfsemi svipuð þeirri sem þekkist í dag hófst þó ekki fyrr en í kringum 1980 þegar sett voru ný lög sem veittu innlánastofnunum meira frelsi og reglur um hámarks vexti féllu úr gildi. Í dag er boðið upp á smálán víðast hvar um heiminn.
Smálánastarfsemi á Íslandi svipar mjög til þeirra sem tíðkast í nágrannalöndunum sem tekin voru til skoðunar í þessari ritgerð, þ.e. Bretlandi, Danmörku, Svíþjóð og Noregi, en þó frábrugðin að einhverju leiti. Ársvextir eru almennt hærri hér á landi en tíðkast annarsstaðar og ekki er lögbundið að fyrirtækin setji fram ársvexti lánanna. Ekki eru settar fram kröfur um innkomu lántaka hér á landi eins og algengt er erlendis. Ísland er einnig frábrugðið Bretlandi og Noregi að því leitinu til að smálánafyrirtæki hér á landi þurfa ekki starfsleyfi til þess að hefja slíka útlánastarfsemi.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Fanndis Ösp Kristjánsdóttir.pdf | 697.54 kB | Opinn | Heildartexti | Skoða/Opna |