Klámið í allri sinni mynd. Erótík, femíniskt klám og klámvæðing

Abstract

Meginviðfangsefni ritgerðarinnar er hugtakið klám, klámvæðing og áhrif þess á samfélagið. Fjallað er um mismunandi skilgreiningar kláms en stuðst við skilgreiningu Russel á klámi. Hún er sú að klám sé efni sem sýnir kynlíf eða afhjúpuð kynfæri í tengslum við misnotkun og niðurlægingu, þannig að slík hegðun sé studd, látinn óátalin eða jafnvel hvatt til hennar. Fjallað er um sögulega þróun klámsins, hvenær klámið birtist fyrst og hvar það er í dag. Þá eru hugtökin erótík og femíniskt klám skoðuð og hvernig skilgreiningar á þeim hugtökum standa. Í seinni hluta ritgerðarinnar er fjallað um klámvæðinguna, skilgreiningu á henni og áhrif á samfélagið. Fjallað er um birtingarmynd klámvæðingar í fjölmiðlum og afþreyingariðnaðinum, til að mynda í tónlist og tísku, og netvæðingu klámsins, aukið aðgengi að klámi og notendur þess. Í lok ritgerðarinnar er fjallað um áhrif klámvæðingarinnar og hvaða afleiðingar hún getur haft.