is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14776

Titill: 
  • Sjálfstæðið eða sjávarútvegurinn? Greining á andstöðu Sjálfstæðisflokksins við aðild að Evrópusambandinu
Námsstig: 
  • Bakkalár
Útdráttur: 
  • Útdráttur er á ensku

    Rannsókn þessari var ætlað að svara þeirri spurningu hvort afstaða Sjálfstæðisflokksins til Evrópumála hafi á einhvern hátt verið mótuð af hagsmunum ráðandi atvinnugreina. Rannsóknin byggði á kenningu Christine Ingebritsen um Evrópusamrunann og þeirri tilgátu hennar að hagsmunir ráðandi atvinnugreina hafi áhrif á það hvernig Evrópuþjóðir, og þá sérstaklega Norðurlöndin, haga stefnumótun sinni gagnvart Evrópusambandinu. Í umfjölluninni var reynt að meta hversu mikil áhrif sjávarútvegur hefur haft á þróun Evrópumála á Íslandi og einnig hvernig stefna Sjálfstæðisflokksins mótaðist eftir þeim hagsmunum. Notað var til þess greining á orðræðu þingmanna flokksins á Alþingi í umræðum um stærstu álitamál Evrópusamruna Íslendinga. Tengsl Sjálfstæðisflokksins við sjávarútveg var einnig greind. Bæði tengsl einstakra þingmanna sem og fjárhagsleg tengsl hans út frá framlögum fyrirtækja tengdum sjávarútvegi til flokksins og frambjóðenda hans. Niðurstaða rannsóknarinnar var að hagsmunir ráðandi atvinnugreina hafa haft umtalsverð áhrif á stefnu Sjálfstæðisflokksins í Evrópumálum. Fleiri skýringarbreytur þarf þó að athuga til að hægt sé að mynda heildstæða greiningu á ástæðum andstöðu Sjálfstæðisflokksins við Evrópusambandsaðild.

Samþykkt: 
  • 6.5.2013
URI: 
  • http://hdl.handle.net/1946/14776


Skrár
Skráarnafn Stærð AðgangurLýsingSkráartegund 
Sjálfstæðið eða sjávarútvegurinn4.pdf1.01 MBOpinnHeildartextiPDFSkoða/Opna