Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14786
Til að sinna hlutverki sínu með skilvísum og markvissum hætti hafa lögregluyfirvöld í auknum mæli nýtt sér upplýsingatæknina í störfum sínum. Baráttan gegn alvarlegum afbrotum, sér í lagi skipulagðri glæpastarfsemi og hryðjuverkum er að miklu leyti háð beitingu nútímatækni við rannsóknir og auðkenningu. Upplýsingatæknin vinnur gegn glæpum með margskonar hætti, ekki síst í formi fælingarmátts. Í þessari ritgerð eru kannaðar heimildir lögreglu og tengdra löggæslustofnanna á Íslandi til söfnunar og vinnslu persónuupplýsinga. Ritgerðin fjallar um helstu lög og þjóðréttarsamninga sem gilda um skráningu og meðferð persónuupplýsinga. Ritgerðin hefur að geyma samantekt yfir helstu skrár og gagnagrunna sem lögregluyfirvöld halda. Fjallað verður um sjónarmið og réttarreglur sem gilda um mismunandi vinnslu persónuupplýsinga sem getur t.d. falist í eftirgrennslan, miðlun, rafrænni vöktun, greiningu upplýsinga og bakgrunnsathugun í þágu landamæraeftirlits og lögreglustarfa. Í ritgerðinni er fjallað um helstu takmarkanir á heimildum lögreglu til vinnslu upplýsinga út frá sjónarmiðum um einkalífs- og persónuvernd auk þagnarskylduákvæða og annarra takmarkanna af lagalegum og siðferðislegum toga. Í lok ritgerðarinnar eru dregnar saman niðustöður um það hvort íslenskt lagaumhverfi tryggi nægilega einkalífsvernd að þessu leiti.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Rafræn slóð - Heimildir löggæsluyfirvalda til vinnslu og varðveislu persónuupplýsinga.pdf | 1.01 MB | Lokaður til...20.05.2050 | Heildartexti | ||
Forsíða Rafræn slóð - Heimildir löggæsluyfirvalda til vinnslu og varðveislu persónuupplýsinga.pdf | 31.1 kB | Opinn | Forsíða | Skoða/Opna |