Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1482
Markmið rannsóknarinnar var að athuga áhrif innleiðingar á Heildstæðum stuðningi við jákvæða hegðun (School-Wide Positive Behavior Support) á fjölda og alvarleika agabrota í þremur íslenskum skólum á öðru til fjórða innleiðingarári. Gögn um fjölda og flokkun agabrota voru fengin úr gagnabankanum Mentor.is. Í skóla 1 og 2 kom að meðaltali fram 3,33% og 13,51% fækkun á fjölda agabrota milli 1. og 2. árs innleiðingar. Í skóla 3 kom fram 7,62% fækkun á fjölda agabrota frá 2. til 3. árs innleiðingar, en aukning um 24,13% frá 3. til 4. árs innleiðingar. Í skóla 1 fækkaði alvarlegustu agabrotunum um 48,33% milli 1. og 2. árs innleiðingar en þau jukust um 8,33% í skóla 2. Í skóla 3 fækkaði alvarlegustu agabrotunum um 23,31% frá 2. til 3. árs innleiðingar en jukust um 13,73% frá 3. til 4. árs innleiðingar. Almennt séð voru niðurstöður á þann veg að agabrotum í íslenskum skólum með Heildstæðan stuðning við jákvæða hegðun fækkaði ekki eins mikið og í bandarískum skólum með hliðstætt agakerfi. Nokkuð bar á að alvarleiki agabrota minnkaði en ekki eins mikið og í bandarískum skólum. Ýmsar ástæður gætu legið að baki minni áhrifum Heildstæðs stuðnings við jákvæða hegðun á fjölda og alvarleika agabrota í þessum íslensku skólum samanborið við bandarísku skólana.
Lykilorð: Heildstæður stuðningur, agabrot.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Áhrif innleiðingar Heildstæðs stuðnings við jákvæða hegðun á agabrot nemenda.pdf | 1.25 MB | Opinn | "Áhrif innleiðingar Heildstæðs stuðnings við jákvæða hegðun á agabrot nemenda" - Heild | Skoða/Opna |