is Íslenska en English

Lokaverkefni (Meistara)

Háskóli Íslands > Hugvísindasvið > Meistaraprófsritgerðir - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14834

Titill: 
  • Sýkillinn. Sýklar á gömlu herstöðinni á Miðnesheiði
Námsstig: 
  • Meistara
Leiðbeinandi: 
Útdráttur: 
  • Hugmyndin um Keflavíkurherstöðina hefur verið þrungin alvöru og dulúð. Síðustu ár hefur herstöðin tapað hlutverki sínu sem hernaðarmannvirki og þess vegna er ástæða til að kanna fyrirbærið nánar.
    Ritgerðin skiptist í tvo hluta. Sá fyrri tengist síðustu árum. Leitað verður svara við því hvaða kraftar koma saman á herstöðinni og í nánasta umhverfi hennar eftir brottför hersins árið 2006. Seinni hlutinn snýr að hernáminu sjálfu og þeim fjölbreyttu menningaráhrifum sem bandaríski herinn hafði á íslenskt samfélag. Allt frá tímum eftirstríðsáranna hafa hugmyndir manna um hernámið tengst hinu mengaða. Litið hefur verið á Keflavíkurflugvöllinn, sem einskonar sýkil á íslensku samfélagi, þaðan berst ómenningin um landið. Í því samhengi má nefna hið svokallað „ástand,“ „djassinn,“ „rokkið.“ „sjónvarpið“ og margt fleira.
    Sjónum verður beint að því hvernig herstöðin kallar fram hugsýkileg viðbrögð hjá ráðandi menningu. Ætlunin er að kanna hvaða áhrif þetta „smit“ hefur haft á íslenska menningu. Í því samhengi verður skoðað hvort herstöðin hafi verið sýkill í íslensku samfélagi, eða hvort hún dró sjúku hliðarnar fram í menningunni? Einnig verður skoðað hvort enn leynist sýkill á Miðnesheiði þrátt fyrir að bandaríski herinn – aðalsmitberinn - sé horfinn af landinu?

Samþykkt: 
  • 6.5.2013
URI: 
  • http://hdl.handle.net/1946/14834


Skrár
Skráarnafn Stærð AðgangurLýsingSkráartegund 
sýkillinn.pdf1.14 MBOpinnMeginmálPDFSkoða/Opna
forsiða og ágrip.pdf84.78 kBOpinnForsíða og ágripPDFSkoða/Opna