Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14887
Viðfangsefni þessarar rannsóknar er að varpa ljósi á þróun útgefins efnis um íslenska stjórnskipun og stjórnsýslu á tímabilinu 1904-2011.
Hér er um að ræða rannsóknarritgerð sem byggist á því að skrá, lýsa og greina útgefið efni á þessu tímabili á grundvelli rafræns gagnagrunns sem höfundur vann í þessum tilgangi og er hann jafnframt drjúgur hluti ritgerðarinnar. Þar er að finna bókfræðilegar upplýsingar um 1512 rit sem valin voru á grundvelli skilgreininga, sem lýst er í ritgerðinni, úr um einni milljón bókfræðifærslna sem vísa til rita sem aðgengileg eru í íslenskum bókasöfnum.
Útgefnu ritin sem rafræni gagnagrunnurinn hýsir eru flokkuð út frá gefnum forsendum, það er í efnisflokkana: stjórnskipun, landsstjórn, sveitarstjórn og stjórnsýslusögu. Þá eru þau einnig flokkuð eftir tegundum ritverka, þær eru: fræðirit, kynningarrit, skýrslur, uppflettirit, ráðstefnurit og afmælisrit. Ásamt flokkun eftir Dewey flokkunarkerfinu (bókasafnsflokkun) og eftir útgáfuformi svo einhver dæmi séu nefnd.
Rannsóknin leiðir ótvírætt í ljós að aukin útgáfa á þessu sviði fylgir auknum umsvifum ríkisvaldsins og annarra opinberra aðila. Einnig stafar aukin útgáfa á síðustu áratugum af aukinni kennslu og rannsóknum á þessu sviði.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Þórunn S. Hreinsdóttir_MPA.pdf | 1.99 MB | Opinn | Heildartexti | Skoða/Opna |