Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/15039
Harry Potter bókaflokkurinn eftir J. K. Rowling hefur farið sigurför um heiminn síðan fyrsta bókin um galdrastrákinn Harry Potter kom út í Bretlandi árið 1997. Bækurnar höfða til barna sem og fullorðinna og fjöldi fólks les þær margsinnis. Fantasíur á borð við Harry Potter hafa hefðbundna uppbyggingu, frásögnin er línuleg og endirinn farsæll. Ævintýraheimurinn er í senn framandi og kunnuglegur því þar er að finna stjórnkerfi, skóla og banka ásamt fljúgandi kústum, draugum og töfrasprotum. Í þessum heimi ríkir talsvert óréttlæti þar sem þeir sem telja sig vera hreinræktaða galdramenn njóta forréttinda á kostnað þeirra sem fæðast ekki inn í fjölskyldu galdrafólks eða tilheyra minnihlutahópum galdravera. Í þessari ritgerð verður Harry Potter bókaflokkurinn skoðaður út frá kenningu Antonio Gramscis um menningarlegt forræði og kenningakerfi Louis Althussers um hugmyndafræði. Í samhengi við marxískar kenningar og með hjálp kenninga um fantasíubókmenntir verður einnig skoðað hvernig fantasíuformið viðheldur hugmyndafræðinni með hefðbundnu frásagnarformi og línulegri frásögn. Lögð verður áhersla á að skoða stéttakerfi galdraheimsins og hvernig menningarlegu forræði er beitt í gegnum stofnanir eins og Galdramálaráðuneytið, Spámannstíðindi og Hogwartskóla til þess að viðhalda kerfi sem byggist á kúgun minnihlutahópa.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Í galdrinum felst mátturinn - Kristín María Kristinsdóttir.pdf | 582.15 kB | Opinn | Heildartexti | Skoða/Opna |