Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1505
Ritgerð þessi er lokaverkefni okkar til B.Ed. prófs frá grunnskólabraut Kennaraháskóla Íslands. Um er að ræða heimildaritgerð um lestur, lestrarkennslu- aðferðir og hvernig nýta má barnabókmenntir við lestrarkennslu. Í ritgerðinni má finna skilgreiningar á því hvað lestur er og hvernig hann þróast og notuð til þess kenning Linneu C. Ehri um þróun sjónræns orðaforða. Jafnframt er fjallað um tvær helstu lestrarkennsluaðferðir sem notaðar hafa verið hér á landi. Unnið er út frá þeirri hugmynd að nýta söguaðferðina til að sýna hvaða leiðir kennarar geta farið í byrjendakennslu í lestri og komið með þeim hætti til móts við mismunandi þarfir nemenda. Í ritgerðinni er því að finna umfjöllun um söguaðferðina, uppruna hennar og aðdraganda. Í lokaverkefninu má einnig finna umfjöllun um lífsleikni og barnabókmenntir sem fléttast inn í söguaðferðina. Verkefninu fylgir sögurammi með kennsluleiðbeiningum en söguramminn er byggður á barnabókinni Bínu bálreiðu og er ætlaður til kennslu í 1. bekk grunnskóla. Námsmat er órjúfanlegur þáttur í skólastarfi og því má finna í verkefninu fræðilega umfjöllun um námsmat sem hentar vel fyrir söguaðferðina. Lykilorð: Lestur, lífsleikni, söguaðferðin, bókmenntir.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
brynja_thorey_lokaverkefni.pdf | 379.89 kB | Lokaður | Heildartexti |