is Íslenska en English

Lokaverkefni (Bakkalár)

Háskóli Íslands > Heilbrigðisvísindasvið > B.S. verkefni - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/15117

Titill: 
  • Setstaða grunnskólabarna: Athugun meðal nemenda í 7. bekk grunnskóla í Reykjavík og Hafnarfirði
Námsstig: 
  • Bakkalár
Útdráttur: 
  • Margir skólar hérlendis nota skólahúsgögn sem eru hönnuð til að stuðla að góðri vinnustöðu (Back-up). Húsgögnin eru stillanleg og ættu því að henta hæð og byggingu hvers barns. Tilgangur rannsóknarinnar var að skoða hvort nemendur nota stillimöguleika húsgagnanna á réttan hátt. Líkamshæð og bygging hvers nemanda var borin saman við hæð og gerð skólahúsgagna eins og nemandinn var vanur að hafa þau stillt í skólanum. Þátttakendur voru 90 börn í 7. bekk fjögurra grunnskóla á höfuðborgarsvæðinu. Annar tilgangur var að fá upplýsingar um bakverki meðal barna og skoða tengsl þeirra við setstöðu.
    Mælingar á byggingu og gerð barnanna (hæð, þyngd, lengd á lær- og fótlegg, lærþykkt, mjaðmabreidd, olnbogahæð og axlarhæð) voru framkvæmdar ásamt sjö mælingum á skólahúsgögnunum. Einnig svöruðu þátttakendur spurningalista um bakverki, þægindi húsgagnanna og notkun þeirra á stillimöguleikum húsgagnanna.
    Niðurstöður sýna að misræmi er milli mælinga á byggingu og gerð nemenda og stillinga á skólahúsgögnum þeirra. Aðeins 28,9% barnanna höfðu rétt stillta sætishæð og 25,6% rétt stillta borðhæð. Stór hluti nemenda nýtti sér stillingar stólsins (67%) en aðeins 14% nýtti sér stillimöguleika borðsins. Minnihluti nemenda mat skólahúsgögnin þægileg (41%). Bakverkjatíðni er há. Þeir sem eru með ranga sætishæð eru ekki líklegri til að finna fyrir bakverkjum en þeir sem eru með rétta sætishæð (OR: 1,3704; 95% öryggismörk: 0,5489-3,4313). Sama á við um þá sem hafa borðhæð rangt stillta (OR: 1,9259; 95% öryggismörk: 0,7388-5,0204).
    Niðurstöðurnar benda á að þrátt fyrir að góð skólahúsgögn séu til staðar eru stillimöguleikar ekki notaðir rétt vegna vankunnáttu nemenda og kennara á hentugum vinnustöðum fyrir hrygginn.

Samþykkt: 
  • 16.5.2013
URI: 
  • http://hdl.handle.net/1946/15117


Skrár
Skráarnafn Stærð AðgangurLýsingSkráartegund 
lokaeintak_sl_vj.pdf1.71 MBOpinnHeildartextiPDFSkoða/Opna