is Íslenska en English

Lokaverkefni (Meistara)

Háskólinn á Akureyri > Hug- og félagsvísindasvið > Meistaraprófsritgerðir >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/15263

Titill: 
  • Reynsla Brekkuskóla af Uppbyggingarstefnunni
Námsstig: 
  • Meistara
Útdráttur: 
  • Í stefnu skóladeildar Akureyrarbæjar er kveðið á um að grunnskólar bæjarins byggi uppeldisstjórnun sína á viðurkenndum uppeldisstefnum. Ein slík stefna er Uppbyggingarstefnan en hún er aðferð til þess að kenna börnum og unglingum sjálfsstjórn og sjálfsaga. Aðferðir Uppbyggingarstefnunnar miða að því að efla félagsfærni, tilfinningaþroska, sjálfstæði og sjálfsvirðingu nemenda.
    Markmið þessarar rannsóknar var að kanna hvort Uppbyggingarstefnan hefði leitt til betri líðanar og bættra samskipta í Brekkuskóla. Það var gert með að því að leita svara við því hvort starfsfólk skólans, nemendur og foreldrar hefðu fundið einhverjar breytingar á samskiptum og líðan í starfi skólans með tilkomu Uppbyggingarstefnunnar. Meginrannsóknarspurningin er eftirfarandi: Að hvaða marki hefur Brekkuskóli náð markmiðum sínum með innleiðingu Uppbyggingarstefnunnar til bættra samskipta og betri líðanar nemenda? Spurningin er afmörkuð með eftirfarandi undirspurningu: Hver er reynsla umsjónarkennara, nemenda og foreldra 8. bekkjar veturinn 2011–2012 af Uppbyggingarstefnunni?
    Rannsóknin var tilviksathugun og var gagna aflað á skólaárinu 2011–2012 með hálfopnum viðtölum við þrjá umsjónarkennara, tveimur rýnihópaviðtölum við nemendur og spurningakönnun sem lögð var fyrir foreldra.
    Niðurstöður bentu til þess að aðferðarfræði Uppbyggingarstefnunnar hafi haft jákvæð áhrif á samskipti og líðan þeirra sem rætt var við. Umsjónarkennarar töldu að stefnan stuðli að jákvæðara viðhorfi og auki öryggi og sjálfstraust þeirra í starfi og það sama eigi við um nemendur. Þessu voru nemendur sammála. Þeir töldu að það starf sem unnið var með stefnunni stuðli að jákvæðari samskiptum, meira umburðarlyndi og öryggi í skólanum. Út frá þessum niðurstöðum má álykta að Uppbyggingarstefnan hafi stuðlað að jákvæðum samskiptum sem byggist á virðingu og umhyggju.
    Niðurstöðum er ætlað að dýpka sýn skólans, vera grundvöllur að áframhaldandi áætlanagerð varðandi innleiðingarferli Uppbyggingarstefnunnar og stuðla að bættu starfsumhverfi í skólanum.

  • Útdráttur er á ensku

    The Akureyri School Education Department requires that the primary schools adhere to accepted methods of discipline and behavior management in their educational programs. The adoption of the Restitution model is in line with this requirement. The Restitution model is a method of teaching children and young people discipline and self-control. These methods seek to stimulate social interaction, emotional development, independence and self-confidence in students.
    The purpose of this study was to ascertain whether the adoption of the Restitution models has lead to improvements in well-being and communication. The research questions were: To what extent has Brekkuskóli fulfilled its aims by adopting the Restitution model for improved communication and well-being of students? What is the experience of the classroom teachers, students and parents of year 8 in the school year 2011–2012 of the Restitution model?
    A case study was conducted with semi-structured interviews with three class teachers of year 8, two focus group interviews with students and a questionnaire which was sent to parents.
    The results showed that restitution model had a positive influence on those interviewed. The class teachers considered it to have a positive effect and to encourage self-confidence in their work and in their students. The students were of the same opinion. This study seemed to indicate that the Restitution policy had promoted positive interaction built on mutual respect and trust.
    The results are intended to strengthen the basis for continued development of the Restitution methods and contribute to the development a positive ethos in the school.

Athugasemdir: 
  • Verkefnið er lokað til 20.5.2018.
Samþykkt: 
  • 29.5.2013
URI: 
  • http://hdl.handle.net/1946/15263


Skrár
Skráarnafn Stærð AðgangurLýsingSkráartegund 
Ritgerð 15 júní.pdf1.53 MBOpinnHeildartextiPDFSkoða/Opna