is Íslenska en English

Lokaverkefni (Bakkalár)

Háskólinn á Akureyri > Heilbrigðisvísindasvið > B.S. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/154

Titill: 
  • Streita og bjargráð : þátttakenda á streitustjórnunarnámskeiði iðjuþjálfa á Reykjalundi
Námsstig: 
  • Bakkalár
Útdráttur: 
  • Streita hefur fylgt mannkyninu frá upphafi og farið ört vaxandi síðustu áratugi. Í velferðarþjóðfélögum getur aukinn hraði verið skaðvaldur fyrir andlega og líkamlega heilsu og rænt fólki fullnægjandi og innihaldsríku lífi. Viðfangsefni og hlutverk fullorðinna eru að jafnaði mörg sem kallar á aukna leikni einstaklingsins til að ráða við taktinn í tilverunni. Markmið streitustjórnunarnámskeiðs er að hjálpa fólki að draga úr streitu og neikvæðum áhrifum hennar ásamt því að efla færni til að nýta bjargráð og stuðla þar með að auknum lífsgæðum. Tilgangur rannsóknarinnar er í fyrsta lagi að kanna streitueinkenni, streituvaldandi aðstæður og bjargráð einstaklinga er taka þátt í streitustjórnunarnámskeiði iðjuþjálfa á Reykjalundi. Í öðru lagi að skoða mismunandi þætti er varða bakgrunn þátttakenda og í þriðja lagi að kanna hagnýtt gildi gátlista Stein um streitustjórnun, Stress management Questionnaire (SMQ), fyrir þennan hóp.
    Þátttakendur í rannsókninni svöruðu SMQ gátlistanum ásamt spurningum er vörðuðu bakgrunn. Megindlegri rannsóknaraðferð var beitt, notað var hentugleikaúrtak og unnið úr gögnum með lýsandi tölfræði. Rannsóknin náði til 98 einstaklinga og af þeim tóku 65 þátt og svarhlutfallið var því 66%. Hlutfall kvenna var 61% og karla 39%. Flestir þátttakenda voru á aldrinum 36-66 ára, giftir eða í sambúð. Um helmingur þeirra var útivinnandi og hafði átt við veikindi að stríða í fimm ár eða lengur. Algengustu streitueinkennin voru spenna og kvíði. Helstu streituvaldarnir voru annars vegar að vera of sein/n og hins vegar að hafa enga stjórn á aðstæðum. Algengustu bjargráðin voru þau að takast á við aðstæður og að horfa á sjónvarp. Jafnframt völdu þátttakendur allt að tíu atriði í hverjum flokki sem oftast áttu við þá og var það val borið saman við algengustu streitueinkenni, streituvaldandi aðstæður og bjargráð. Langflestir þátttakendur töldu sig hafa þörf fyrir fræðslu um hvernig mætti draga úr streitu. Notagildi SMQ gátlistans fyrir streitustjórnunarnámskeið Reykjalundar getur verið tvíþætt. Í fyrsta lagi að auka innsæi einstaklingsins í eigin streitu og bjargráð og styðja þannig undir markvissari þátttöku á streitustjórnunarnámskeiðinu. Í öðru lagi að velja frá þá þátttakendur sem ekki telja sig hafa þörf fyrir fræðslu
    Lykilhugtök: Streita, streitustjórnunarnámskeið, bjargráð og iðja.

Athugasemdir: 
  • Verkefnið er opið nemendum og starfsfólki Háskólans á Akureyri
Samþykkt: 
  • 1.1.2005
URI: 
  • http://hdl.handle.net/1946/154


Skrár
Skráarnafn Stærð AðgangurLýsingSkráartegund 
streitabjarg.pdf2 MBTakmarkaðurStreita og bjargráð - heildPDF
streitabjarg-e.pdf87.03 kBOpinnStreita og bjargráð - efnisyfirlitPDFSkoða/Opna
streitabjarg-h.pdf99.48 kBOpinnStreita og bjargráð - heimildaskráPDFSkoða/Opna
streitabjarg-u.pdf94.72 kBOpinnStreita og bjargráð - útdrátturPDFSkoða/Opna