is Íslenska en English

Lokaverkefni (Bakkalár)

Listaháskóli Íslands > Myndlistardeild / Department of Fine art > Lokaritgerðir / Theses (BA) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/15532

Titill: 
  • Sannleiksl(i/y)st
Námsstig: 
  • Bakkalár
Efnisorð: 
Útdráttur: 
  • Hverju reyna listamenn að ná fram með listsköpun sinni? Hvað á listsköpun sameiginlegt með öðrum fræðigreinum? Hvað drífur mennina áfram? Hér til umræðu er sannleikurinn og sannleiksþrá sem hvöt í manninum og kveikja að gjörðum hans. Hvar er sannleikann að finna, hvað felst í honum og á hvað getum við reitt okkur? Margir telja vísindin vera einu leiðina að sannleika. Á hverju byggja slíkar ályktanir? Er list aðferð til þess að komast að sannleikanum?
    Í ritgerðinni er fjallað um mismunandi nálganir við sannleikann sem ég tel að varpi ljósi á eðli málsins. Fjallað er um kenningar Nietzsche um sannleiksþrána og það viðhorf að mannleg þekking sé sköpunarverk mannsins. Ég skoða verkfærið okkar til þekkingarleitar, nefnilega heilann, annars vegar út frá nýlegum kenningum geðlæknisins Iain McGilchrist um muninnn á og samstarf vinstra og hægra heilahvels og hins vegar út frá hugmyndum Rudolfs Steiner um innsæi og æðra hugarástand og einnig rannsóknum sálfræðingsins Mihály Csíkszentmihályi á alsæluástandi flæðis. Ég skoða sjónarmið vísindaheimspekingsins Karl Popper og útleggingar Alfred Ayer í anda rökfræðilegrar raunhyggju varðandi sannanleika og sannreynslu. Auk þess minnist ég á staðhæfingar Wittgensteins í ritinu Tractatus Logico -Philosophicus, en þessir þrír fræðimenn gerðu heiðarlegar tilraunir til þess að setja sannleikann fram eins og stærðfræðijöfnu. Því næst ræði ég nauðsynlega aðkomu áhorfenda í listsköpun og það sem ég tel vera aðalforsenduna fyrir samtalinu á milli listamanns og áhorfanda, þ.e. tungumálið, og styðst meðal annars við hugmyndir Jean-Francois Lyotard og Marcel Duchamp.
    Í seinni hluta ritgerðarinnar leiði ég hugann að listaverkum sem kalla mætti óumdeilanleg og hvað það er sem gerir þau sannarlega góð listaverk. Ég ræði eiginleika möguleikans, möguleika listamannsins til að skapa og möguleikann sjálfan sem holdgerving efans, bilsins milli hins sanna og ósanna. Að síðustu víkur sögunni að eigin listsköpun, þangað sem yrkisefni ritgerðarinnar er sótt. Gerð er grein fyrir birtingarmyndum sannleikans en ekki síður óvissunnar, systur hans, í verkum höfundar. Verkin leiða af sér hugleiðingar um óendanleikann, tómið og takmörk heilans. Hvað vitum við, hvað getum við vitað og hvað viljum við (ekki) vita?

Samþykkt: 
  • 5.6.2013
URI: 
  • http://hdl.handle.net/1946/15532


Skrár
Skráarnafn Stærð AðgangurLýsingSkráartegund 
SUNNA-BA.pdf31.59 MBOpinnHeildartextiPDFSkoða/Opna